Dalin pamjet nga ‘shtëpia e barit’ në Tiranë, policia jep detaje për arrestimin e 32-vjeçarit

Policia e Tiranës ka dhënë detaje në lidhje me arrestimin e 32-vjeçarit i cili u kap me shptëpi bari në Tiranë.

‘Finalizohet operacioni policor i koduar "Lugano 2", për goditjen e veprimtarisë kriminale në fushën e kultivimit të bimëve narkotike me anë të llambave.  Operacioni i zhvilluar nga Komisariati i Policisë Nr. 4 në bashkëpunim me OSHEE.

Gjatë operacionit është zbuluar një ambient i përshtatur për kultivimin e kanabisit, me anë të llambave, në një banesë ku kishte lidhje të paligjshme elektrike.

LEXO EDHE:
Ambasadori i Rusisë në Tiranë largohet nga Shqipëria, ja kush e zëvendëson

Vihet në pranga 1 shtetas, sekuestrohen pajisje për kultivimin e kanabisit, llamba dhe bimë narkotike.

Në vijim të punës për parandalimin, evidentimin dhe goditjen e veprimtarisë kriminale në fushën e narkotikëve, shërbimet e Komisariatit të Policisë Nr. 4, pas në pune të mirëfilltë hetimore, bazuar dhe në informacionet e marra në rrugë operative se një shtetas, në rrugën "Sotir Caci", kishte përshtatur banesën e marrë me qira, për kultivim të bimëve narkotike, organizuan dhe finalizuan me sukses operacionin policor të koduar "Lugano 2".

Në kuadër të këtij operacioni u arrestua në flagrancë shtetasi  E. N., 32 vjeç, për veprën penale "Kultivimi i bimëve narkotike".

Ky shtetas, gjatë ndërhyrjes nga shërbimet e Policisë, ka tentuar të largohet nga banesa të cilën kishte përshtatur për kultivimin e bimëve narkotike me anë të llambave, duke u hedhur nga kati i tretë.

Gjatë kontrollit të kësaj banese, në rrugën "Sotir Caci", janë gjetur dhe sekuestruar pajisje që shërbenin për kultivimin e bimëve narkotike, llamba dhe  81 vazo me bimë të dyshuara narkotike cannabis sativa.

Materialet procedurale iu referuan Prokurorisë pranë Gjykatës së Shkallës së Parë Tiranë, për veprën penale "Kultivimi i bimëve narkotike".’- njofton policia.

Lajmi kryesor:

Tiranë, zbulohet një ‘shtëpi bari’ në Qesarakë, arrestohet 32-vjeçari! Tentoi që t’i largohet policisë duke u hedhur nga ballkoni (VIDEO)

M.Q./Sh.Sh/Shqiptarja.com

TAG:
• qesarake
• shtepi bari
• Tirane
• ermir nasi
• kultivim kanabisi