Në vigjiljen e darkës së Vitit të Ri, si në çdo vend edhe në Shqipëri mbizotërojnë gatime karakeristike të cilat nuk mungojnë në  tavolinat  festive. Darka nis me disa antipasta të cilat mund të kenë në bazë të tyre lloje të ndryshme djathrash dhe proshutash. Përsa i përket sallatrave në tavolinat tona nuk mungojnë sallata ruse, e cila është një element kryesor për këtë ditë. Pjata e dytë që do të shoqërojë këtë darkë festive ka në përbërje të saj mishin e gjelit të detit,si dhe gatime të ndryshme që bëhen me këtë asortiment si pershesh me gjel deti, gjel deti i mbushur dhe i pjekur etj. Për të përmbyllur këtë festë si ëmbëlsira tradicionale janë ballkavaja dhe kadaifi. Këto janë pjatat më tracionale me të cilat shqiptarët festojnë ndërrimin e viteve.