Dasara Malltezi-Greta Koçit: Mos
dil në diell se të shkrihet silikoni

Llogaria anonime në Instagram që u hap disa ditë më parë (tani është mbyllur) dhe synonte demaskimin e personazheve publike, duke treguar të gjitha ndërhyrjet e tyre estetike, siç duket e tejkaloi misionin e saj.

Nëse ajo faqe nuk do të ishte hapur, mbase s'do ta kishim mësuar kurrë marrëdhënien 'armiqësore' që ekziston mes Dasara Malltezit, mbesës së Sali Berishës dhe Greta Koçit, nënkryetare e FRPD-së.

Këngëtarja ishte futur në grupin e VIP-ave që kanë kryer disa ndërhyrje kirugjikale, më specifikisht hundën, buzët, mollëzat dhe vetullat. 'Supermbesa' duket se është argëtuar pa masë, pasi ftoi dhe mikeshat e saj të tallen bashkë me të.

"Mos dil në diell se të shkrihet silikoni", ka thënë Dasara, ndërsa u tallën edhe me hapsirën mes dhëmbëve të Gretës. Nuk e dimë nga buron kjo antipati për Gretën...ajo është sjellë mirë edhe me doktorin...


Redaksia Online
(m.p/shqiptarja.com)