Gushti njihet si muaji i dasmave pasi shumë emigrantë vijnë në Shqipëri për të kurorëzuar dashurinë me martesë pranë familjarëve të tyre. Për këto raste, nuk kursehen dhe bëjnë organizime nga më të ndryshmet.

Këtë e tregon më së miri një rast në Fier, ku kishin rezervuar helikopter për të hedhur petale trëndafilash të kuq ndërsa në sheshin kryesor kalonte makina e nuses, e shoqëruar nga dasmorët.

Çiftet preferojnë ceremoni tradicionale, por këtë herë kanë zgjedhur që të sjellin diçka ndryshe duke dhuruar spektakël në qytet ndërsa pamjet janë bërë virale.