Bukuroshja Kim Kardashian dhe i dashuri i saj Kanye West do të kurorëzojnë së shpejti në martesë lidhjen e tyre.

Megjithatë sipas spekulimeve të ndryshme mësohet se kjo dasmë mund të arrijë deri në shifrën e 20 milion dollarëve.

Mediat e huaja shprehen se vetëm organizuesi i ceremonisë mund ti kushtojë çiftit gjysmë milioni dollarë, pasi Kim dëshiron të bashkëpunojë me David Tutera.

Ai ka realizuar edhe dasmën e këngëtares Jennifer Lopez. Gjithashtu bëhet e ditur se edhe performancat muzikore do të jenë mjaft të kripura.

Kim ka dashur gjithnjë që të jetë Celin Dion, ajo që do të interpretojë në ceremoninë e saj të martesës dhe pritet të kushtojë rreth 6 milionë dollarë.

Ndërkohë bukuroshja nuk mund të linte pa menduar edhe për fustanin e bardhë aq shumë të adhuruar për atë ditë.

Kim Kardashian dëshiron një fustan të mbuluar me perla dhe diamante nga Yumi Katsura dhe mund të arrijë shifrën e 8.5 milionë dollarëve.

Të shohim nëse Kanye do të jetë i gatshëm të plotësojë çdo dëshirë të shtrenjtë të të dashurës së tij.

Por duke gjykuar nga ditëlindja e saj e festuar në Venecia duket se nuk do të ketë shumë dyshime lidhur me këtë fakt.

(xh.k/shqiptarja.com)