POP 5

Lajmet më të lexuara të 5 minutave të fundit

Kultura

Debat në kom.medias,Kumbaro:Në
5 vjet 4 muze,Vokshi:Qofte në Butrint

Projektligji për trashëgiminë kulturore dhe muzetë thirri në komisionin e Medias dhe Informimit Publik edhe një herë tjetër brenda javës ministren e Kulturës Mirela Kumbaron. Pikëpyetjes nëse duhej kod apo ligj për trashëgiminë kulturore, pas argumenteve të ministres Kumbaro, anëtarët e opozitës miratuan në parim këtë projektligj. Ndërkaq, pati debat mes kryetares së komisionit Vokshit dhe ministres Kumbaro për arritjet në kulturë, ku u përfshi edhe Teatri Kombëtar.  VIDEO

Debat në kom.medias,Kumbaro:Në<br />5 vjet 4 muze,Vokshi:Qofte në Butrint<br>
Pyetja Kod apo ligj për trashëgiminë kulturore si dhe bashkimi i ligjit për muzetë në një të vetëm me atë të trashëgimisë, kanë qenë temat e ditës në seancën dëgjimore në komisionin e Medias dhe Informimit Publik ku ishte e ftuar ministrja e Kulturës Mirela Kumbaro. Anëtarët e opozitës vlerësuan se projektligji për trashëgiminë kulturore dhe muzetë të kthehej në kod ashtu si në Itali duke qenë se bazohet në përvojën e mirë të këtij vendi. Por ministrja Kumbaro ka dhënë argumenta duke hedhur poshtë propozimin e opozitës. 
“Nëqoftëse ne do të flasim për një kod do të kemi të bëjmë me një ansambël shumë më kompleks që prek disa ligje të tjera. Nëse do të kishim shkuar për kod në rastin e trashëgimisë kulturore, ne do duhej të kishim hyrë në ndryshime të shumë ligjeve të tjera. Kriteri sasior i numrit të neneve apo faqeve nuk është ai që përcakton në duhet të jetë ligj apo kod”, tha Kumbaro. 
Sakaq, Kumbaro shpjegoi edhe arsyen pse shkriu dy ligje në një të vetëm. 
“Konstatuam që shtrirja e fushës së trashëgimisë kulturore nuk është e ndryshme nga ajo e muzeve. Vetë muzetë janë pjesë e trashëgimisë kulturore”, tha minstrja e Kulturës. 
Teksa kryetarja e komisionit Albana Vokshi ka sjellë një panoramë të zymtë të monumenteve të kulturës në Shqipëri, mbledhja ka kaluar në garë mes ministres dhe deputetëve demokratë për arritjet e tyre ndër vite. 
Pas më shumë se 4 orë diskutim, edhe opozita ra dakord duke miratuar në parim projektligjin për trashëgiminë kulturore dhe muzetë, puna e të cilës ka nisur që në prill të 2014. 

Debati mes Kumbaros dhe Vokshit: 
Kumbaro: Në këtë situatë 25 vjeçare... Çfarë kam bërë unë në 5 vjet? Në 5 vjet kam bërë 4 muze ...
(ndërhyn Vokshi: qofte në Butrint) 
Kumbaro: Kam restauruar mbi 17 kisha. Në 5 vjet kemi restauruar qendrat historike Dhërmi, Vuno, kemi futur Thethin. ..
(ndërhyrje nga anëtaret e opozitës) 
Kumbaro: A të flas unë, o zonja Vokshi a të flas unë? 

Vokshi: Po Teatrin Kombëtar... janë reagimi i të gjithëve artistëve, piktorëve regjisorëve e të gjithëve. Këto janë arritjet tuaja. 
Kumbaro: Po Teatri i Operës dhe Baletit, Teatri i Korçës... 
Vokshi: Ua tregova kullat...

  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

'Sudja e plakur ulërin nga maja e pallatit e sudja e re vjen vërdallë' Rama sulmon Berishën e Topallin: Për këta Shqipëria s'do kishte kurrë reformën në drejtësi

'Sudja e plakur ulërin nga maja e pallatit e sudja e re vjen vërdallë' Rama sulmon Berishën e Topallin: Për këta Shqipëria s'do kishte kurrë reformën në drejtësi

24 Nëntor, 14:38