TIRANË- Mbledhja e Komisionit Rregullator në KQZ u mbyll pa miratimin e pr.vendimit për organizimin e zgjedhjeve në Himarë. Mes debateve të shumta që u zhvilluan në mbledhje, anëtarët votuan 3 pro dhe 2 kundër miratimit në parim, kështu kryetarja mbylli mbledhjen pasi për miratimin e pr.vendimit duhej një shumicë votash 4 me 1.
Anëtari i Komisionit Rregullator Muharrem Çakaj thotë se vendimmarrja e KQZ për heqjen e mandatit të Fredi Belerit është e pavlefshme. Sa i takon dekretit të Begajt për shpalljen e zgjedhjeve më datë 4 gusht, Çakaj thotë se akti është i pavlefshëm pasi duhej pritur të kaloni afati për ankimin e vendimmarrjes së KQZ.
“Lidhur me aktin që është sjell para komisionit rregullator për zgjedhjet e pjesshme të Himarës që zhvillohen më datë 4 gusht, siç e theksova dhe më parë dhe pasi ma konfirmoi sekretarja e KQZ, më rezulton që akti iniciues që ka çelur siparin e kërkesës së Këshillit të Ministrave dhe dekretit të Presidentit të jetë marrë në mungesë të kompetencës për të shqyrtuar pavlefshmërinë e mandatit për një kandidat. Baza ligjore e përdorur nga KQZ është ligji për dekriminalizimin, ndërkohë që ligji për dekriminalzimin bën fjalë për ngjarje dhe situata juridike që do duhet të kenë ndodhur para kandidimit dhe kandidati për bashkinë e Himarës ose si ka bërë të ditura, ose ka qenë në kushtet e ndalimit. Vendimmarrja është e pavlefshme. Akti që ka iniciuar këtë proces është i pavlefshëm. Pavarësisht kësaj, edhe në hipotezën se ky akt do vlerësohet nga gjykatat, në pikën 3 të këtij akti ne kemi të parashikuar që mund të bëhen ankim në KAS. Po ditën që është marrë vendimi i KQZ, kemi një vendimmarrje me një shpejtësi të rrufeshme gjithë institucionet kanë caktuar datën, që ishte e paracaktuar, datën 4 gushte për zhvillimin e zgjedhjeve në Himarë. Akti është i pavlefshëm dhe gjithë pasojat nuk qëndrojnë. Nuk është respektuar afti 30 ditor. Duhet të presim vendimin e Gjykatës para se të miratojmë këtë akt”, tha Çakaj.
Ndërkohë, Ilirjana Nano u shpreh se nuk kanë kompetencë që të vlerësojnë vendimmarrjen e KQZ.
“S’jemi për të vlerësuar vendimmarrjen e KQZ. Nëse do ketë ankim është një organ tjetër që vlerëson mbi bazë ankimi vendimmarrjen”, tha Nano.
Ndërsa Përfaqësuesi i PS në KQZ, Eridian Salianji tha se Komisioni rregullator po tejkalon kompetencat duke gjykuar një vendim të KQZ për heqjen e mandatit dhe dekretin e Presidentit për shpalljen e zgjedhjeve, duke thënë se janë në kufijtë e shpërdorimit të detyrës. Sipas Salianjit, po pengohet procesi zgjedhor.
Sipas projektvendimit të KQZ që nuk u miratua parashikohen që partitë politike të nisnin fushatën në 26 korrik, regjistrimi i kandidatëve ishte përcaktuar deri në 22 korrik, ndërsa partitë duhet të regjistrohen deri në datën 15 dhe koalicionet 19. Pas dekretimit të datës së zgjedhjeve për bashkinë Himarë PS zyrtarizoi kandidaturën e Valnglel Tavos.
Me debate po zhvillohet mbledhja e Komisionit Rregullat në KQZ ku parashikohet miratimi pr.vendimit për rregullimin dhe organizmin e zgjedhjeve të Himarës më datë 4 gusht.
Përfaqësuesi i PS në KQZ, Eridian Salianji tha se Komisioni rregullator po tejkalon kompetencat duke gjykuar një vendim të KQZ për heqjen e mandatit dhe dekretin e Presidentit për shpalljen e zgjedhjeve, duke thënë se janë në kufijtë e shpërdorimit të detyrës. Sipas Salianjit, po pengohet procesi zgjedhor
“Me atë çka ne gjykojmë, që ka të bëjë me llogaritjen e afateve, jeni jashtë objektit dhe kompetencës që të gjykohet një vendim i komsionerit, jemi në tejkalim të kompetencave. Po diskutojmë afatet, të drejtën e këtij komisioni për të rregulluar organizmin e zgjedhjeve, ku organ s’ka punë fare me diskutim për ligjin e dekriminalizimit. Diskutohet dekreti i Presidentit, atë e bën gjykata. Nuk pengohen zgjedhjet, kjo që miratoni ju është kalendar, zgjedhjet i bën kodi zgjedhor, kjo është që ju të ndihmoni procesin, doni ta pengoni, pengojeni por nuk është kjo rruga. Po shkelni ligjit, mund të diskutoni vetëm afatet, por mund të merrni një vendimmarrje që s’ka lidhje me ju ta hidhni në tavolinë. Tentoni të merrni kompetencat e institucioneve të tjera. S’mund të pengoni procesin zgjedhor jashtë kompetencave”, tha Salianji.
Anëtari Muharrem Çakaj tha se ky është intimidim dhe kërcënim dhe kërkoi nga kryetarja të merren masa për Salianji.
Muharrem Çakaj: Ajo që sapo tha Salianji, ishte intimidim dhe kërcënim. E ftoj të ruajë qetësinë dhe ta përdorë jashtë kësaj salle. Jeni të lirë të thoni çfarë të doni, nuk funksionon në këtë sallë. Sapo përmendi shpërdorim detyre, e ftoj ti thotë, por jashtë kësaj salle. Atë qasje është i lirë ta përdorë jashtë kësaj salle. S’mund të përdorë shprehje intimiduese apo kërcënuese. Nëse ne e kapërcejmë kompetencën ka një organ tjetër që shprehet, jo juve. Më bën çudi se si paskeni lëvizur ju nga qëndrimi, kur në këtë sallë, në 2019, ju keni mbështetur një ish kolegun tonë të asaj kohe, që e ka quajtur nul dekretin e presidentit. Pikërisht se po pezullimi në gjykatë i efekteve të dekreteve, përsëris që ky akt është i nxituar. Nuk cenon njeri procesin, por duhet që gjërat ti marrim brenda ligjshmërisë. Kemi nja 8 muaj që i kemi bërë me dije KQZ për uzurpim kërkesash dhe ankesat tona kanë rënë në vesh të shurdhër. Ruani etikën.
Erdjan Salianji: Nuk e di ku e pa intimidimin, nuk imtimidova.
Muharrem Çakaj: Kanë zgjedhur të bëjnë teatër këtu, 4 gusht data e zgjedhjeve, dhe e marrin vendimin me 5 gusht, refuzoj të kem këtë qasje për zbatimin e kodit zgjedhor, refuzoj të kem çfarëdolloj presioni, inditimdimi, shantazhi nga çdo lloj përfaqësues. Merrni masa për atë çfarë deklaroi Salianji këtu, përndryshe e kemi shkelur rregulloren.
Komente
Lajme të tjera
-
Pas ekstradimit nga Shqipëria lirohet në Itali, Sokol Sinomati! ‘Buzëderri’ do hetohet në gjendje të lirë
15 Korrik, 20:48
-
Historiani Kasmi i përgjigjet Belerit: Himara ka vetëm një nënë Shqipëria
15 Korrik, 19:01 -
Zyrtare/ Flamurtari prezanton trajnerin italian, njohje e vjetër në Superligë
15 Korrik, 16:08 -
Frrok Çupi: Një armik i Shqipërisë fluturon i lirë në tokë e mbi tokën e saj
15 Korrik, 11:34
-
PS padit KQZ në Apel: Të miratojnë menjëherë afatet për zgjedhjet në Himarë
15 Korrik, 09:58 -
Leja për t'u betuar si eurodeputet, Beleri në Athinë: Himarjotët i mbron 'nëna' Greqi! Mitsotakis: Duam një Shqipëri që i afrohet Europës (FOTO+VIDEO)
15 Korrik, 07:58 -
Bregdeti i tejmbushur/ Mbi 250 mijë pushues nga Gjiri i Lalëzit në Golem, shqiptarët e Kosovës besnikë të Shëngjinit! Velipoja e prenotuar deri në shtator
14 Korrik, 18:56 -
Digjet automjeti në aksin rrugor Vlorë-Levan, detajet e para /VIDEO
14 Korrik, 17:59 -
Himarë/ Po eksploronte Gjirin e Filikurit, turisti çek rrëzohet gjatë ngjitjes me litarë! Policia detare i vjen në ndihmë
14 Korrik, 17:37 -
Vlorë/ Merr flakë një lokal pranë zonës së ish-frigoriferit, policia dhe zjarrfikësit në vendngjarje (VIDEO)
14 Korrik, 15:37 -
Himarë/ U denoncua për ndotje në ujërat e plazhit Potam, policia kufitare qetëson pushuesit: Nuk janë as ujëra të zeza, as shkarkime nga anijet
14 Korrik, 15:06 -
Spahiu: Rama i dha leje nga burgu Belerit, për të mbyllur konfliktin me Athinën
14 Korrik, 12:44
Si ore e harruat Rremen juve?? Ia "sekuestruat" Likes te tere nga skrapdhimet e tij si Naco & co, e me radhe por per ca dhjetra mijra euro e prishet? Jepini ore nje dore lekesh a pasurish edhe Rremes te mos keni probleme ne "vendimarrjen" tipike Ramiste te kapjes se shtetit. Vetem SPAK eshte syleshe ne kete pune dhe nuk e shef korrupsionin ne mivelin me te larte ate shtetkapes.
Përgjigju