POP 5

Lajmet më të lexuara të 5 minutave të fundit

Politikë

Debate te Komisioni i Shëndetësisë për varfërinë e minimumin jetik, Avokati i Popullit: Ndihma ekonomike e pamjaftueshme! Qeveria-opozitës: Po bëni politikë me varfërinë

Është zhvilluar me debate mbledhja e komisionit të shëndetësisë teksa shqyrtohej e miratohej buxheti i vitit 2022. Opozita është përplasur me qeverinë mbi shifrat e varfërisë në vend dhe mungesës së përcaktimit të minimumit jetik. Ndërsa Avokatja e Popullit tha në Komision se ndihma ekonomike nuk garanton as konsumin bazik.

Mungesa e përcaktimit të minimumit jetik dhe varfëria në vend është kthyer në 'mollë sherri' në Komisionin e Shëndetësisë, gjatë diskutimit dhe miratimit nen për nen të buxhetit të vitit 2022, ku deputetët e opozitës votuan përsëri kundër tij, me argumentin se nuk mbështet shtresat në nevojë dhe zhvillimin ekonomik të vendit.

Avokatja e Popullit Erinda Ballanca tha se ndihma ekonomike është e pamjaftueshme.

“Ndihma ekonomike është dyfishuar gjatë vitit të kaluar për një periudhë 6 mujore që e ka përmirësuar gjendjen ekonomike të këtyre familjeve por në gjykim të avokatit të Popullit pa adresuar problemin thelbësor të varfërisë. Nevojat minimale të një individi që Shqipëri mbi bazën e shportës janë rreth 18 mijë lekë për person, ndërsa vlera mesatare e ndihmës ekonomike pa marrë parasysh dyfishimin ka qenë 5.500 lekë për familje”, tha Ballanca.

Ndërsa sipas ministrisë së Shëndetësisë mbështetja është më e madhe, pasi krahas ndihmës ekonomike familjeve në nevojë ju mundësohet bursë për fëmijët, mos pagim i dritave dhe i ujit dhe një sërë masash të tjera.

“Kemi bërë një vlerësim të skemës dhe kemi arritur në një masë mesatare 7.700 lekë  në muaj për familje”, tha zëvendësministrja e Shëndetësisë Denada Seferi.

Ndërkohë kryetarja e Komisionit Albana Vokshi ka replikuar me tone të larta me deputeten e PS-së Klodiana Spahiu lidhur me shifrat e varfërisë.

Debati:

Klodiana Spahiu: Nuk mund ta politizoni kaq fort varfërinë.

Vokshi: Nuk ka politikë këtu.

Klodiana Spahiu: Po bëni politikë nga mëngjesi deri në darkë.

Vokshi: Nuk e mbroni dot varfërinë ju 50.8%, se mbron dot.

Spahiu: Nuk është aq sa thua ti.

 

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Lulja e kuqe e Krishtlindjeve, si të kujdeseni për ta pasur sa më gjatë në shtëpi

Lulja e kuqe e Krishtlindjeve, si të kujdeseni për ta pasur sa më gjatë në shtëpi

25 Dhjetor, 08:34