Debati me ambasadorin rus në OKB, Rama shpërndan videon e ‘Sky News’: Krenari për Shqipërinë në krye të detyrës nën vështrimin e mbarë botës

Mediet ndërkombëtare i kanë bërë jehonë përplasjes mes Shqipërisë, kryesuese e Presidencës së Këshillit të Sigurimit, me Rusinë për prezencën e Ukrainës në sesionin e radhës të OKB-së. Videoja është shpërndarë gjerësisht edhe në rrjete sociale. Kreu i qeverisë shqiptare Edi Rama ka shpërndarë një video të "Sky news" me mometin e përplasjes me ambasadorin rus duke mos e fshehur krenarinë për drejtimin që Shqipëria bëri në Këshillin e Sigurimit, në OKB.

“Momenti i djeshëm që gjeti pasqyrim të gjerë në mediat ndërkombëtare dhe u bë viral në rrjetet sociale anembanë; një moment krenarie për Shqipërinë në krye të detyrës nën vështrimin e mbarë botës”, shkruan Rama.

LEXO EDHE:
Shkolla ‘Gjergj Kastrioti’ gati për të pritur 700 nxënës, Rama: Me kushte më dinjitoze

Në mbledhjen e së mërkurës të Këshillit të Sigurimit mbi Ukrainën drejtuar nga kryeministri Edi Rama, Rusia shprehu pakënaqësinë për pjesëmarrjen e presidentit ukrainas Volodymyr Zelensky dhe faktin që ai foli para anëtarëve të Këshillit. Përfaqësuesi i Federatës Ruse, e ka akuzuar Këshillin e Sigurisë për mbajtjen e standardeve të dyfishta. Rusia kërkoi që Zelensky ta marrë fjalën, sipas rregullores, pas fjalës së vendeve anëtare. Rama theksoi se ky nuk është veprim i presidencës shqiptare, por vijimësi e politikës së konsoliduar në përputhje të plotë me politikat e këshillit. Rama, shtoi më tej se nëse Rusia ndal luftën, atëherë Presidenti Zelensky nuk do ta mbajë fjalën

B.K/Shqiptarja.com

TAG:
• edi rama
• Shqiperia ne okb