TIRANE- Dezinfektimi i mushkonjave është kthyer në debat mes deputetëve të Partisë Demokratike dhe Partisë Socialiste. Përdorimi nga Minsitria e Shëndetësisë i avionëve për të dizinfektuar vendin, ka bërë që Kryetarja e Komisionit Albana Vokshi të akuzojë Ministrinë e Shëndetësisë se nuk ja ka arritur qëllimit dhe se po përdor avionët për transportimin e drogës.

“Dezinfektimi ka dështuar. Një projekt i Ministrisë së Shëndetësisë i cili nuk ka arritur qëllimin e tij. Për më tepër se fitues i tenderit ka dalë një kompani me ofertën më të lartë”, -u shpreh Vokshi. Por për deputeten e PS-s Klodiana Spahiu dezinfektimi ka qënë një projekt serioz, madje ajo i kërkoi deputetes Albana Vokshi që të bëjë një kërkesë lidhur me këtë çështje.