Debati në PS/ Ben Blushi ngelet 
vetëm, deputetët i dalin kundër
Braçe:Blushi po destabilizon qeverinë

TIRANË - Ben Blushi dhe mbështetësja e tij e parë, Mimoza Hafizi kanë ngelur të vetëm në kërkesën e tyre për zgjedhjen e kryetarit të Partisë Socialiste me votë. Interesit të Shqiptarja.com, deputetë të kësaj partie i janë përgjigjur me rezerva ndaj debatit të çelur nga Ben Blushi, ndërsa shumica prej tyre kanë preferuar heshtjen. Gjatë një interviste për Shqiptarja.com, Pjerin Ndreu, deputeti që deri më tani ka drejtuar degës e PS-së për Rrethinat e Tiranës, shprehet se Blushi ka hapur një debat të panevojshëm, duke thënë se nuk mund ta mbështesë atë në këtë rast. Sipas Ndreut partia në pushtetet është falë kryeministrit, dhe në këtë rast, nuk ka nevojë për zgjedhje. Ai thotë se zgjedhje duhet të ketë vetëm në opozitë.