POP 5

Lajmet më të lexuara të 5 minutave të fundit

Kultura

Butrinti, Majko akuza qeverisë: Keni ndryshuar kufijtë e zonës së mbrojtur! Dule: Qeveria ka dhënë pronën e manastirit ortodoks për ndërtimin e një resorti

Kalimi i menaxhimit të Butrintit nga Fondacioni Amerikan për Zhvillim ka krijuar debate të ashpra edhe në Komisionin e Politikës së Jashtme. Majko ka akuzuar qeverinë se ka ndryshuar kufijtë e Parkut, kurse deputeti Dule ishte i shqetësuar për tokat e kishës. Nga e ana tij, kreu i fondacionit, Martin Mata u tha deputetëve se ka pasur luftë që dixhitalizimi i parkut të mos funksionojë. Miratohet me 11 vota pro

Pandeli Majko ishte ai që këtë herë i ngriti tonet për planin e menaxhimit të parkut të Butrintit që sipas fondacionit amerikano-shqiptarë, pritet të sjellë 100 milionë dollarë përfitim ekonomik nga zero aktualisht. Majko akuzon qeverinë ka ndryshuar kufijtë e zonës së mbrojtur në fillim të  vitit duke ia hedhur barrën ADF.

‘Në kohën që diskutojmë kemi bërë edhe planin, 2 muaj para ju ndërroni kufijtë. Mund ta kalonit pas, nuk mund ti vini peshë marrëveshjes me fondacionin shqiptaro-amerikan.’- u shpreh Majko.

Por zëvendës ministrja e Turizmit, argumenton se ky është një ndryshim i cili ka nisur në vitin 2020 për të gjitha parqet e vendit, duke hequr nga zonat e mbrojtura ato hapësira që i kanë humbur karakteristikat.

‘Është zvogëluar me 800 hektar, nga zona  e Ksamilit e cila është zonë e banuar.’- tha zëvendës ministrja e Turzmit, Almira Xhembulla.

Kreu i ADF Martin Mata tregoi për një betejë të heshtur që modernizimi i parkut kombëtar të mos funksionojë.

‘S’ kishte drita, pastaj s’kishte bileta, i rregulluam. Modeli i menaxhimit sot është ai që ka Luvri.’- tha Mata.

Gjatë debateve deputeti Vangjel Dule tha se një pjesë e sipërfaqes së ish-parkut kombëtar të Butrintit, pronë e manastirit ortodoks të Shën Gjergjit, është dhënë për ndërtimin e një resorti, që mban edhe emrin Manastir.

‘Kemi edhe një vendim të KM që një pjesë e sipërfaqes së ish-parkut kombëtar të Butrintit, pronë e manastirit ortodoks të Shën Gjergjit, është dhënë për ndërtimin e një resorti, që mban edhe emrin Manastir. Ju keni vendosur dorë me vendimet e KM në mënyrën më abuzive dhe skandaloze në hapësirën e parkut të Butrintit. Prona e një komuniteti fetar, edhe e hiqni nga hapësira e mbrojtur. Uroj që këto të jenë vetëm disa aspekte që unë kam konstatuar për shkak të interesit tim dhe të mos ketë të tjera në kuadrin e administrimit të ri që po i kushtojmë Butrintit” tha ai.

Ndërkohë ministrja e Kulturës Elva Margariti rrëzoi pretendimin e Dules. “Manastiri është jashtë zonave të mbrojtura dhe nuk është pjesë e Butrintit, parkut, por për informacion, parku i Butrintit ka një shtrirje më të gjerë se prona që është e njohur si pasuri botërore e UNESCO. Për atë që pyetët, është përtej zonës” tha ajo.

Opozita këmbëngul që pasuritë kombëtare nuk duhet të jenë në administrim të fondacioneve ndërkombëtare

‘Bie ndesh me ligjet ndërkombëtare’- tha Tritan Shehu.

Në fund të mbledhjes, me 11 vota pro dhe 5 kundër Komisioni për Politikën e Jashtme ka dhënë sot miratimin për marrëveshjen e administrimit të Butrintit mes Ministrisë së Kulturës dhe Fondacioni për Menaxhimin e Butrintit. 

M.Q./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës:

    Si ka qene per ju viti 2024?

Lajme të tjera



×

Lajmi i fundit

‘Zbardhet’ Valbona! Pamje magjepsëse nga veriu i vendit, vizitohet nga turistët

‘Zbardhet’ Valbona! Pamje magjepsëse nga veriu i vendit, vizitohet nga turistët

28 Dhjetor, 17:14