Dëbimi i diplomatëve gjermanë nga Rusia, Merkel: Vendim i padrejtë

Angela Merkel

Kancelarja gjermane Angela Merkel ka reaguar pasi Rusia ka shpallur "persona non grata" një numër të paspecifikuar të punonjësve nga misionet diplomatike të Suedisë, Polonisë dhe Gjermanisë, duke thënë se ata morën pjesë në protestat të cilat kërkonin lirimin e kreut opozitar Aleksei Navalny.

Merkel e ka dënuar këtë veprim duke e quajtur si një largim të mëtejshëm të Moskës nga shteti i së drejtës.

 “Ne e konsiderojmë këtë dëbim të padrejtë,” u tha kancelarja Merkel gazetarëve pas një video-konference mbi çështjet e mbrojtjes dhe sigurisë me Presidentin francez Emmanuel Macron, duke shtuar se të dy kishin marrë njoftime për dëbimet e diplomatëve gjatë takimit.

Ministria e Jashtme tha në një deklaratë se ambasadori suedez, i ngarkuari me punë i Polonisë dhe i dërguari gjerman u thirrën në ministri, ku atyre iu paraqitën ankesat e qeverisë ruse në lidhje me "pjesëmarrjen e punonjësve diplomatikë "në tubimet e 23 janarit.

Be.K./Shqiptarja.com
  • Sondazhi i ditës:

    A do të shkoni të votoni në zgjedhjet parlamentare të 25 prillit?

Komento


×

Lajmi i fundit

John

Rang kombëtar/ 1 javë para 25 prillit, shqiptarët i japin PS-së mandatin e tretë! Asnjë ndryshim këto 11 ditë për 3 partitë e mëdha