POP 5

Lajmet më të lexuara të 5 minutave të fundit

Ekonomi

Deflacioni frikëson botën, Bankat qendrore
kanë ulur 626 herë normat e interesit

Sot dhe nesër do të mblidhet Rezerva Federale, e cila pritet të vendosë nëse do të rriten normat e interesit për herë të parë në 10 vitet e fundit.
Sot dhe nesër do të mblidhet Rezerva Federale, e cila pritet të vendosë nëse do të rriten normat e interesit për herë të parë në 10 vitet e fundit. Një vendim ky, i cili duket se shkon kundër drejtimit të përgjithshëm, në ndryshim nga bankat e tjera të mëdha që i kanë ulur normat. Por pse? Politika monetare ka vendime të vështira: kur gjërat shkojnë mirë, Bankat Qendrore rrisin normat e interesit për të parandaluar që të rritet inflacioni, për të shmangur një humbje të fuqisë blerëse të atyre që kanë të ardhura të ulëta. Por kur gjërat shkojnë keq, bankat qendrore kanë tendencë për të ulur normat e për ta bërë më pak të shtrenjtë koston e parasë, të kredisë për biznesin, kredisë për individët etj, me shpresën se ky likuiditet shtesë, do të ndihmojë ekonominë të shërohet.

E pra, duke gjykuar nga ajo që po ndodh nga viti 2009 deri më sot, nuk është se gjërat janë duke shkuar shumë mirë. “Termometri” i zgjedhjeve të “pameta” të politikës monetare nga ana e bankave qendrore tregon se janë ulur normat plot 626 herë, shkruan IlSole.

Rasti i fundit gjatë të cilit u përballëm me të dhënat rekord ishte të premten, kur Banka Popullore e Kinës vendosi të ulë koston e huamarrjes për herë të gjashtë që nga nëntori. Pak para, edhe Banka e Serbisë ka prerë normat, sikurse edhe India, Tajvani dhe Norvegjia.
Pra, vende të kundërta gjeografikisht, por të bashkuara nga zgjedhja e bankave qendrore përkatëse për të lehtësuar lidhjet e kreditit. Llogaria e “normave të prera” të vitit 2015 është rritur në këtë mënyrë për herë të 69 (e zbatuar nga 45 banka qendrore, disa prej të cilave kanë bërë kaq shumë se një prerje). Prandaj ishte tejkaluar totali i vitit të kaluar (65 tashmë). Sigurisht, ne jemi shumë larg nga kulmi i vitit 2009 (me 207 reduktimet) dhe totalit të arritur në 2012 (108). Megjithatë, 2015 mund të përputhet me bilancin e vitit 2013, kur normat janë ulur nga 89 herë nëpër botë.

Mos harroni se ka pasur institucione që kanë shkuar përtej vendimit për të ulur këtë normë, pasi ata kishin sjellë më parë normat në nivele më të ulëta. Në rastet kur normat janë sjellë në nivelet afër 0, por jo të mjaftueshme për të përmirësuar performancën ekonomike, bankat duhet t’i drejtohen rezervave, të ashtuquajturit të pazakonta. Më e njohura është “lehtësimi sasior. Kjo është ajo që bëri SHBA dhe Britania që nga viti 2009, Japonia në vitin 2013 dhe BQE që prej vitit 2015. Si? Bankat qendrore “Printonin” të holla të reja dhe blinin asetet në tregun e hapur, duke siguruar likuiditetin e ri, për fondet e investimeve dhe institucionet financiare.

Në përmbledhje, që nga viti 2009 të gjitha bankat e mëdha të ekonomive të mëdha të planetit, jo vetëm kanë çuar normat e interesit drejt zero-s, por janë “detyruar” të sigurojnë ndihmë shtesë për ekonominë përmes planeve të tilla si lehtësimi sasior. Bankat e tjera që në vend kanë ende normat e mësipërme afër 0 dhe për këtë arsye, nuk kanë aplikuar lehtësimin sasior por, kanë ulur koston e huamarrjes për 626 herë, nga të cilat 69 herë vetëm në vitin 2015.

Të gjitha këto masa janë bijat e një ngadalësimi ekonomik global që pasqyronnjë ngadalësim të mëvonshme të inflacionit dhe një rrezik në rritje të deflacionit (apo edhe rënie në nivelin e çmimeve të mallrave dhe shërbimeve, e cila konsiderohet e rrezikshme për shkak se ajo i inkurajon aktorët ekonomikë të shtyjnë konsumin, levën e parë të rritjes, për shkak të pritjeve të reduktimeve të ardhshme të çmimeve).
Perspektiva për ekonominë globale është ulur nga të gjithë analistët dhe madje edhe Fondi Monetar Ndërkombëtar. Christine Lagarde paralajmëron se rritja këtë vit do të jetë më e dobët se në vitin 2014.

deflacioni


Marrë nga Monitor.al

Redaksia Online
(Shqiptarja.com)

/Shqiptarja.com
  • Sondazhi i ditës: 10 Janar, 11:51

    A duhet të çojë SPAK Berishën përpara Gjykatës për masakrën e 21 janarit?

Lajme të tjera



×

Lajmi i fundit

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

El Clasico në finalen e Superkupës, Ancelotti: Na duhet ky trofe! Flick: Sfidë e madhe, Barça gati

11 Janar, 22:59