POP 5

Lajmet më të lexuara të 5 minutave të fundit

Arkiva

Deklaratë për media e Sekretarit të Përgjithshëm të Partisë Socialiste, Blendi Klosi

Të nderuar përfaqësues të medias, jam sot përpara jush të bëj me dije përmbylljen me sukses të procesit të zgjedhjes me votimin një ditë më parë nga delegatët e Kongresit, të Asamblesë Kombëtare. 

Rreth  1500 delegatë Kongresi  nga të gjitha qarqet e vendit, votuan për përfaqësuesit  e çdo qarku për anëtarë asambleje në Partinë Socialiste, mbi kritere të përcaktuara nga Asambleja Kombëtare e mbledhur në prag të Kongresit te partisë. U zbatuan me korrektësi kriteret e vendosura, disa prej te cilave ishin:

Integriteti moral dhe ligjor i figurës së kandidaturave që propozohen. Kandidaturat e propozuara për anëtarë të Asamblesë Kombëtare nuk duhet të kenë apo kenë pasur probleme me ligjin apo organet ligjzbatuese dhe të drejtësisë.

 
-          Të mos kenë status të nëpunësit civil;

-          50 % e kandidaturave të propozuara të jenë shoqe;

-          20 % e kandidaturave të jenë të moshës deri në 30 vjeç; 

Duke iu përmbajtur rreptësishtë këtyre kritereve, vota e delegatëve konfirmoi 174 anëtarë asambleje.




Prej këtij numri, 50 % anëtare janë shoqe. Kjo tregon edhe njëherë përmbushjen e premtimit tonë për barazi gjinore edhe në forumet më të larta të Partisë Socialiste.

Punë të mbarë të gjithë anëtareve të Asamblesë Kombëtare !

Procesi  i votimit të anëtareve të Asamblesë, ishte vijimi i një numri të madh të proceseve zgjedhore në të gjitha organizatat socialiste.

Mijëra procese zgjedhore në të gjithë vendin të anëtarësisë socialiste, përmes transparencës e garës së hapur flasin jo vetëm për transformimin rrënjësor dhe të thellë të kësaj force politike, por konfirmojnë gjithashtu se Partia Socialiste është dhe do të mbetet, forca politike më demokratike në vend.

Kongresi  i Partisë Socialiste, miratoi gjithashtu Statutin e ri të Partisë, që garanton për të gjithë të drejtën e pjesëmarrjes aktive, të barabartë dhe me transparencë të plotë në çdo vendimmarrje, në forcën më të madhe politike në vend.

Ju faleminderit!

 

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Marrëdhëniet Greqi -Shqipëri, avokati Islami: Kanë bërë masakra në vendin tonë, Beleri në PE ishte goditje! Sekretari i OMONIA-s: Jemi urë komunikimi mes vendeve

15 Janar, 19:31