Ish-deputetja e LSI, Silva Caka, ka komentuar deklaratën e ministrit Fatmir Xhafaj, i cili tha se prokuroria nuk ka prova bindëse për arrestimin e Saimir Tahirit. Caka shkruan me ironi në “Facebook” se Xhafaj e ka studiuar mirë çështjen dhe ka vendosur të shpallë të pafajshëm Tahirin nga të gjitha akuzat.

Në lidhje me këtë, ajo shton se çështja mbyllet këtu dhe nuk duhet zgjatur më.

“Kryeprokurori, kryegjyqtari, juristi, Ministri i Brendshëm, ish-Kryetari i Komisionit të Ligjeve, ylli i Reformës në Drejtësi, Fatmir Xhafaj, e ka studiuar çështjen mirë (edhe më mirë nga Elisa) dhe ka vendosur të shpallë të pafajshëm Saimir Tahirin nga të gjitha akuzat. Çështja mbyllet këtu dhe mos e zgjasni më! Rroftë reforma!”, shkruan Caka.

d.c./shqiptarja.com