Kufijtë nuk ndryshohen me forcë. Me këto fjalë kancelari gjerman Olaf Scholz duket se komentoi ambiciet e Donald Trump për marrjen e Groenlandës. Në krah të kryeministres së Danimarkës, Mette Frederiksen, në një konferencë shtypi në Berlin, Scholz artikuloi edhe në gjermanisht edhe në anglisht: “kufinjtë nuk mund të ndryshohen me forcë".
Scholz nuk i sqaroi gazetarët nëse ajo që tha I referohej Groendlandës, ndërsa kryeministrja Mette Frederiksen, tha se me kancelarin diskutuan çështjet e sigurisë dhe kërcënimet e Rusisë.
Kancelari gjerman njoftoi një takim të 27 krerëve të shteteve të BE javën e ardhshme në Bruksel ku do të diskutohet për një industri më efiçente të mbrojtjes.
Kryeministrja daneze takoi më pas edhe presidentin e Francës, Emanuel Macron, si dhe kreun e NATO-s, Mark Rutte.
Situata e sigurisë në Evropë “nuk ka qenë kurrë më e vështirë,” tha ajo, ndërsa minimizoi shqetësimet për një “kërcënim ushtarak ndaj Grenlandës” nga Trump
“S’kemi kaluar kurrë më parë në jetën time një periudhë kaq të vështirë sa kjo që po kalojmë tani. E vetmja rrugëdalje është bashkëpunimi më i ngushtë dhe më i fortë evropian,” deklaroi ajo, sipas mediave daneze.
“Bashkëpunimi transatlantik është thelbësor për sigurinë dhe stabilitetin tonë të përbashkët. Do të bëj gjithçka që kam në dorë për të ruajtur këtë aleancë, e cila ka sjellë paqe dhe stabilitet që nga Lufta e Dytë Botërore, jo vetëm për Danimarkën, Evropën dhe SHBA-në, por për të gjithë botën,” shtoi Frederiksen.
Ajo pranoi gjithashtu se bashkëpunimi i Evropës me administratën Trump “do të jetë i ndryshëm,” duke vënë në dukje komentet e tij mbi çështjet tregtare.
“Por për një kohë të gjatë kam qenë e bindur se, pavarësisht se çfarë ndodh në SHBA, Evropa duhet të qëndrojë më e fortë dhe më e pavarur në pozitat e saj,” deklaroi kryeministrja daneze.
Ajo gjithashtu bëri me dije se ministri i Jashtëm danez, Lars Løkke Rasmussen, ka zhvilluar bisedime me homologun e tij amerikan, Marco Rubio, javën e kaluar, si dhe se ka kontakte të tjera me administratën amerikane “në nivele të ndryshme.” Megjithatë, ajo refuzoi të komentonte detajet specifike të këtyre diskutimeve.
Takimet vijnë vetëm pak ditë pasi Donald trump ripërsëriti ambicien për marrjen e Groenlandës dhe se Danimarka duhet të heqë dorë nga kontrolli I ishullit autonom arktik.
Komente
Lajme të tjera
-
Ish-senatori Bob Menendez dënohet me 11 vjet burg! Mori lingota ari rryshfet për të vepruar si një agjent i qeverisë egjiptiane
29 Janar, 22:23 -
Ndërprerja e fondeve nga SHBA, Blushi: Desorosifikimi i Shqipërisë ka nisur, paratë e taksapaguesve amerikanë s'do keqpërdoren më
29 Janar, 22:21 -
Spahiu: Ndihma SHBA për Shqipërinë është pikë në oqeanin 70 miliard USD, që i japin botës
29 Janar, 21:48 -
Kosovë/ Albin Kurti refuzon të komentojë deklaratën e tij për marrëveshjen e Uashingtonit
29 Janar, 20:26 -
Skënder Minxhozi: Ushtarët francezë në Groenlandë dhe politika e re e jashtme amerikane
29 Janar, 20:03
-
Administrata Trump ngrin fondet federale/ Washington Post: Presidenti është tërhequr! Shtëpia e Bardhë e mohon: Mbetet në fuqi
29 Janar, 19:57 -
Kina lançon Deep Seek, eksperti i IT: Më rezulton më e saktë se Chat GPT! Shumë profesione po zëvendësohen nga Inteligjenca Artificiale
29 Janar, 19:49 -
Ngrirja e fondeve nga SHBA, Petro Koçi: Do bëhen rishikime, Berisha zhduku provat e 21 janarit! Petraj: SPAK s’mund të jetë si xhelat për krimet zgjedhore
29 Janar, 19:32 -
Ngrirja e fondeve nga SHBA, urdhri i plotë i Donald Trump! Ja si mund të kthehet mbështetja për Shqipërinë
29 Janar, 19:08 -
Pyetje-përgjigje/ Pse Trump ngriu ndihmat e huaja? DASH: Brenda pak ditësh u ndaluan 1 mld $ shpenzime që nuk përputhen me 'Amerika e Para'
29 Janar, 18:31 -
Pas urdhrit të Trump, Ambasada e SHBA njofton ngrirjen e fondeve për institucionet shqiptare, mes tyre dhe SPAK (LISTA)
29 Janar, 16:57 -
'SHBA po harxhonte 50 milionë dollarë për prezervativë në Gaza', Sekretarja e shtypit të Trump lë me gojë hapur gazetarët
29 Janar, 16:19
