Dekriminalizimi, Basha: Të hetohen
200 mijë punonjës të administratës

Kryetari i Partisë Demokratike, Lulzim Basha, ka kërkuar që rreth 200 mijë punonjës të administratës publike qendrore dhe lokale, të kalojnë në sitën e ligjit të dekriminalizimit, për të bërë verifikimin e figurës dhe integritetit të tyre. Burime pranë PD thanë dje për “Shqiptarja.com” se gjatë një takimi me drejtuesit e PD në rrethe si dhe me kryebashkiakët demokratë, Basha ka kërkuar kalimin në sitë të të gjithë të punësuarve në shtet, kjo në kuadër të procesit të dekriminalizimit. Nëse do të evidentohen emra që preken nga dekriminalizimi, krerët e degëve të PD-së apo dhe bashkiakët do të referojnë dosjen në selinë qendrore të PD-së, nga ku do të ndiqen më pas hallkat ligjore siç i parashikon ligji.