Lufta ndaj krimit sipas Bregut është një hap I rëndëshimëm që ka ndërmarrë vendi e megjithatë pavarësisht kësaj ende nuk është bërë e mundur që të dalë para drejtësisë asnjë prej bosëve të drogës.
Procesi I dekriminalizimit sipas Majlinda Bregut është një tjetër reformë e cila do të verë në provë mazhorancën pasi që nesër opozita do të paraqesë propozimet e saj ndonëse nuk ka shumë besim se kjo do të zgjidhë çështjen e dekriminalizimit.
“Opozita ka paraqitur një platformë, kryeministri është përpjekur të sfidojë, nesër i sfidojmë ne, në komisionin për dekriminalizimin do të kenë një platformë në përputhje me sugjerimet e ndërkombëtarëve. Nëse mazhoranca do të ketë platformë ta paraqesin por kam frikë se nuk do ta përmendin dekriminalizimin,” – tha Bregu.
Fjala e plotë e Bregut pas takimit me komisionerin Hahn
Lufta ndaj krimit të organizuar është një nga 5 prioritetet, por nuk di asnjë nga bosët e drogës të jetë arrestuar, ashtu si edhe Shqipëria ka mbërritur që të ketë laborator droge. Opozita ka paraqitur një platformë, kryeministri është përpjekur të sfidojë, nesër i sfidojmë ne, në komisionin për dekriminalizimin do të kenë një platformë në përputhje me sugjerimet e ndërkombëtarëve. Nëse mazhoranca do të ketë platformë ta paraqesin por kam frikë se nuk do ta përmendin dekriminalizimin. Në qershorin e 2014 ata që janë trajnuar me vetë fondet e BE nuk janë më në punë në administratë
Sa i përket krimit kemi situata të mbipopullimit të burgjeve. Reforma në drejtësi për momentin nuk është as e qëndrueshme as gjithëpërfshirëse. Situata nuk është ajo që duhet për hapjen e negociatave, nuk është një situatë që ta vendosë Shqipërinë në nivele të qëndrueshme dhe të kërkuara për hapjen e procesit.
Uroj që të mos ndodhë kështu sepse propozimet mund të jenë me qindra por e vetmja kauzë që mund ta bëjë të funksionojë është vullneti i politikës. Nëse mazhoranca e rrëzon do të thotë se nuk ka vullnet nga mazhoranca.
Redaksia online
(f.m/shqiptarja.com)