Del në treg “Fryma e Re”, Topi:
Gazeta, një moment i ri për FRD

TIRANE- Fryma e Re Demokratike çel gazetën e saj. Në daljen në tren te numrin të parë të gazetës “Fryma e Re”, kreu i FRD Bamir Topi tha se “ky është një instrument i forcës politike që ai drejton, dhe një moment i ri për të”.
 
 Duke uruar një fillim të mbarë, Topi tha se “kjo gazetë nuk është një fletushkë politike. Do kemi mundësi të shpalosim linjën tonë politike”.

“E konsideroj si një moment të ri për jetën politike të FRD, sepse është drejtpërdrejt organ i saj politik që mund të shpalosin jo vetëm jetën politike. Nuk mund të jetë në karakterin e një fletushke politike. Do të ketë rubrika të ndryshme, ku përfshin kulturën, ekonominë, artin, sportin. Gazeta do të ketë akses për të gjithë ata që kanë një raport specifik me të vërtetën. Meqenëse iu referova të vërtetës, do të jem sot më i vërtetë se kurrë”.
 
“Jetojmë në një kohë kur kjo lloj paturpësie është e pranishme midis nesh, në institucione. Dua të falënderoj përfaqësuesit me kamera që janë prezentë në këtë lloj evenimenti. E kurrë më shumë sesa një moment feste për daljen e një gazete të re, ne do të shpresonim kamera, gazetarë. Sot më shumë se kurrë, kemi më pak kamera se kurrë herë tjetër. Nuk jam thjesht kryetari i një partie politike, por që kam një eksperiencë të gjatë në jetën politike dhe institucionale dhe kam parë me shqetësim, sesi politika mbas gllabërimit të votës së lirë, të institucioneve të ekonomisë, fillon ti shtrijë mbas medias”, tha kreu i FRD.

Më tej, Topi u shpreh se “njerëzit kanë shpresuar që të ketë rotacion dhe pas rotacionit, diçka do të lëvizë”. Bamir Topi nënvizoi se "gazeta nuk është vepër e tij, por e njerëzve të letrave".

Redaksia Online
(m.s/e.s/shqiptarja.com)