Del Piero sulmon Allegrin për gjendjen e Juventusit: Fillimi i sezonit katastrofik, përgjegjësi e tij

Del Piero sulmon Allegrin për gjendjen e Juventusit: Fillimi i sezonit katastrofik, përgjegjësi e tij

Alessandro Del Piero

Skuadra e Juventusit po kalon nëpër një moment shumë të vështirë. Përveç dënimit prej minus 15 pikëve, Zonja e Vjetër nuk di për fitore në tre ndeshjet e fundit, duke humbur dy prej tyre e duke barazuar në një tjetër.

Arritja e një vendi në Evropë për edicionin e ardhshëm duket jashtëzakonisht e vështirë dhe Juventus atë synon ta bëj vetëm nëpërmjet garës së Kupës, nëse e fiton atë.

Legjenda e Juventusit, Alessandro Del Piero ka folur për gjendjen e vështirë të skuadrës së tij, teksa nuk i ka kursyer kritikat.

“Është një moment shumë i vështirë, me Monzën ka pasur gabime që janë vërtet të padenja për cilësitë e lojtarëve që ishin në fushë, veçanërisht për sa i përket vëmendjes. Gjendja psikologjike po ndikon shumë. Skuadra është dukshëm e brishtë dhe gjithçka që ndodhi dhe po ndodh, po e prek ekipin. Por, duhet të jenë të vetëdijshëm se ata kanë mbështetjen e të gjithëve atyre që e duan këtë fanellë dhe nuk duhet të dorëzohen, ashtu si në 2006”, deklaroi Del Piero.

Më tej, ish-kapiteni legjendar i Zonjës së Vjetër ka gozhduar edhe trajnerin Massimiliano Allegri, duke thënë se aj është përgjegjës për fillimin e vështirë dhe eliminimin nga Liga e Kampionëve.

“Fillimi katastrofik i sezonit është një përgjegjësi e Allegrit, ashtu si ecuria në Ligën e Kampionëve. Juventusi ka humbur shumë nga sezonet e tij dhe këtu duhet të mbajë dikush përgjegjësi”, tha Del Piero.

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Pali: 31/01/2023 14:25

    Tranieri Alegri eshte fajtor i vetem. Lojtaret i ka. Klubi ja ka plotesuar kerkesat. Klubi ne vend qe ta shkarkoj kur u eleminua nga Kupa e Kampioneve, e gradon dhe i shtyn kontraten deri ne vitin 2026.

    Përgjigju
  • Sondazhi i ditës:

    EURO 2024/ Fillojnë ndeshjet e fundit, a mendoni se Shqipëria kalon grupin?



×

Lajmi i fundit

Krahu i djathtë i Sylvinhos, ndihmësi Zabaleta: Lajthitje nëse mendojmë se Spanja do na tolerojë

Krahu i djathtë i Sylvinhos, ndihmësi Zabaleta: Lajthitje nëse mendojmë se Spanja do na tolerojë