Delegacioni i BE-së thirrje prokurorëve: Aplikoni për t’u bërë pjesë e SPAK-ut, që të luftoni krimin dhe korrupsionin

Delegacioni i BE-së thirrje prokurorëve: Aplikoni për t’u bërë pjesë e SPAK-ut, që të luftoni krimin dhe korrupsionin

Ditën e djeshme nisi zyrtarisht puna për ngritjen e Prokurorisë së Posaçme, një prej organeve më të rëndësishme të drejtësisë së re në Shqipëri, në të njëjtën kohë edhe makthi më i madh për politikanët, zyrtarët dhe ish-zyrtarët e korruptuar. Delegacioni i BE-së në Tiranë fton të gjithë prokurorët që të aplikojnë për t’u bërë pjesë e kësaj strukture kyçe për të luftuar korrupsionin në Shqipëri.

“Prokurorët kanë mundësinë për të dhënë një kontribut vendimtar në luftën kundër korrupsionit duke aplikuar për t’u bërë anëtarë të SPAK-ut. Ne inkurajojmë prokurorët të aplikojnë para datës 7 shkurt 2019” thuhet në mesazhin e delegacionit të BE-së.

Këshilli i Lartë i Prokurorisë caktoi 15 vende të lira në Prokurorinë e Posaçme, e projektuar nga ndërkombëtarët dhe shqiptarët për të goditur krimin dhe korrupsionin në të gjitha nivelet që nga viti 1991 e deri më sot. Këshilli i Lartë i Prokurorisë, nën drejtimin e Gent Ibrahimit, ka vendosur një afat 1-mujor për të aplikuar çdo prokuror që ka ambicie për t’u bërë pjesë e Prokurorisë së Posaçme.

Sipas Kushtetutës, prokurorë e Prokurorisë së Posaçme kanë një mandat 9-vjeçar dhe nuk kanë të drejtë të riemërohen. Prokuroria e Posaçme do të zëvendësojë Prokurorinë Aktuale për Krimet e Rënda (lexo këtu).

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Xhaxhi: 12/01/2019 14:44

    Brenda një jave 0,0 Aplikues. Spaku dështoi për arsye se kemi vetëm hajna...

    Përgjigju
  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Një shesh në Tiranë do të mbajë emrin e Dr. Florit, ja ku ndodhet

Një shesh në Tiranë do të mbajë emrin e Dr. Florit, ja ku ndodhet