POP 5

Lajmet më të lexuara të 5 minutave të fundit

Politikë

Delegacioni i parlamentit shqiptar
vizitë në Bundestagun gjerman

Me ftesë të Bundestagut gjerman një delegacion i Kuvendit të Shqipërisë i kryesuar nga Kryetari i Grupit Parlamentar të Miqësisë Shqipëri- Gjermani, Taulant Balla, vizitoi kryeqytetin gjerman, Berlinin. Në delegacion bënin pjesë gjithashtu deputetët Majlinda Bregu, Kejdi Mehmetaj, Paulin Sterkaj dhe Gerti Bogdani.
Delegacioni i parlamentit shqiptar<br />vizitë në Bundestagun gjerman
Me ftesë të Bundestagut gjerman një delegacion i Kuvendit të Shqipërisë i kryesuar nga Kryetari i Grupit Parlamentar të Miqësisë Shqipëri- Gjermani, Taulant Balla, vizitoi kryeqytetin gjerman, Berlinin. Në delegacion bënin pjesë gjithashtu deputetët Majlinda Bregu, Kejdi Mehmetaj, Paulin Sterkaj dhe Gerti Bogdani.
 
Deputetët shqiptarë të cilët janë pjesë e Grupit Parlamentar të Miqësisë Shqipëri-Gjermani zhvilluan takime në parlamentin gjerman por edhe në kancelarinë federale.
 
Në Bundestag delegacioni shqiptar u prit në takime të veçanta nga Zëvendës/Presidenti zoti Johannes Singhamer, nga Kryetari i Komisionit Parlamentar për Çështjet e BE-së zoti Gunther Krichbaum së bashku me raporterët për Shqipërinë në këtë Komision, si dhe nga deputeti përgjegjës për Politikën e Jashtme në Grupin Parlamentar Social-Demokrat zoti Niels Annen.
 
Gjithashtu delegacioni shqiptar pozitë-opozitë pati një darkë punë me drejtuesit e Grupit Parlamentar për Europën Juglindore të kryesuar nga deputeti Peter Ëeiss.
 
Ndërsa në Kancelarinë Federale delegacioni shqiptar u prit nga Drejtori për Politikën e Jashtme dhe të Sigurisë zoti Joachim Bertele.
 
“Ne po zhvillojmë një vizitë shumë intensive në Gjermani ku kemi takuar përfaqësuesit më të rëndësishëm për çështjet e politikës së jashtme të të tre grupeve më të rëndësishme në parlament, që janë CDU, CSU dhe Socialdemokratët, me të cilët ne kemi diskutuar çështje të rëndësishme që bashkëshoqërojnë procesin e anëtarësimit në Bashkimin Europian. Kemi diskutuar për reformën në drejtësi duke bashkënënvizuar me kolegët gjermanë, rëndësinë që ka kjo reformë për bizneset gjermane të cilat duan të investojnë në Shqipëri por duan që të kenë sigurinë juridike si një gjë të domosdoshme. Thënë gjithë këto, kemi gjetur një mbështetje të sinqertë nga ana e parlamentarëve gjermanë përsa i përket procesit të integrimit.
 
Gjithashtu është e rëndësishme që të kuptohet se procesi i integrimit të Shqipërisë në BE duhet të vazhdojë me hapjen e negociatave. Fakti që Komisioni Europian ka vendosur si parakusht miratimin në Parlamentin e Shqipërisë të paketës së reformës në drejtësi dhe me këtë ka lidhur rekomandimin për hapjen e negociatave tregon se, pasi Komisioni i reformës në drejtësi të ketë përmbyllur gjithë materialin që do t’i paraqitet Kuvendit, duhet votuar para verës.

Pra, para se në vjeshtë  Komisioni Europian të bëjë rekomandimin për hapjen e negociatave.

Gjithashtu një tjetër gjë e rëndësishme që u diskutua në gjithë këto takime ishte intensifikimi i marrëdhënieve ekonomike. Janë të shumta bizneset gjermane që po e shikojnë Shqipërinë si një destinacion për të investuar jo vetëm në fushën e turizmit por edhe në fusha të tjera shumë të rëndësishme të zhvillimit ekonomik.

Kështu që unë shpresoj që këto vizita i shërbejnë pikërisht këtij intensifikimi që duhet transformuar në vepra konkrete sa i përket kompanive të rëndësishme gjermane që duhen afruar në Shqipëri”- deklaroi Balla në përfundim të takimeve.

Redaksia Online
Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

Si është gjendja e Metës? Faik Basha: Po drejton aksionin opozitar nga burgu! Së shpejti do lirohet, në 2025 kandidat për kryeministër

25 Dhjetor, 18:05