‘Demokratët janë në vështirësi jepuni një kafe’, batutat e Edi Ramës në Durrës, Bardhi: Edhe batutat i ka sikur sapo ka dalë nga burgu

Kryetari i Grupit Parlamentar të Partisë Demokratike Gazment Bardhi ka reaguar ndaj batutave me demokratët që Kryeministri Edi Rama shkëmbeu nga Durrësi.

“Edhe batutat i ka sikur sapo ka dalë nga burgu! Për shkak të keqqeverisjes tënde, në vështirësi nuk janë vetëm demokratët, por edhe çdo socialist dhe qytetar  i ndershëm i këtij vendi.

LEXO EDHE:
Ndërtesa ku u burgosën martirët e fesë në Durrës po rrënohet

Rehati Qeveria jote e korruptuar i ka krijuar vetëm Klodian Zoto, Mirel Mërtiri, Arben Ahmetaj, Ilir Beqajt dhe një tufe shokësh të tu, që me milionat e eurove në xhep, që i vodhën qytetarëve shqiptarë, shëtisin të lirë nëpër kryeqytetet e Europës duke shijuar jetën luksoze!

Në fakt në vështirësi më të madhe janë të gjithë ata që rrijnë me sytë nga dera kur po arrestohen prej babëzisë për të vjedhur. Mqs nuk e ke provuar akoma, por je në radhe, pyeti paraprakisht tufën tjetër të shokëve që i ke në burg, që të kuptosh çfarë është vështirësia.”- shkruan Bardhi.

Lajmi kryesor:

'Më mbyti Alabari', Rama inspekton lagjen e re në Spitallë me Sakon, tregon se çfarë i tha biznesmeni: Brother shko shihe

G.MO/Shqiptarja.com

TAG:
• edi rama
• Durres
• Emirjana Sako
• Mohamed Alabbar
• projekti i portit te durresit
• porti i durresit