Demokratët vetëm 1 karrige larg kontrollit të Senatit pas fitores në Arizona

Demokrati Mark Kelly ka arritur të marrë fitoren në Arizona teksa garonte përballë republikanit të mbështetur nga Trump.

Demokratët shpresojnë të marrin kontrollin e Senatit kur votat të numërohen plotësisht në garën në Nevada midis senatores Catherine Cortez Masto, një demokrate, dhe kundërshtarit të saj republikan, Adam Laxalt.

Nëse Laxalt merr fitoren, kontrolli i Senatit do të mbetet në barazim deri në balotazhin e zgjedhjeve më 6 dhjetor në Xhorxhia midis senatorit Raphael Ëarnock, një demokrat që kërkon një mandat të plotë, dhe kundërshtarit të tij republikan, Herschel Walker.

Rezultati i deritanishëm tregon se demokratët frenuan një "valë të kuqe" republikane që ishte parashikuar para zgjedhjeve.

Presidenti demokrat i karakterizoi zgjedhjet si një luftë për të shpëtuar demokracinë pasi kandidatët republikanë mbështetën pretendimin e rremë të ish-presidentit Donal Trump se zgjedhjet e vitit 2020, ku fitoi Biden, ishin të manipuluara. Demokratët i etiketuan republikanët si ekstremistë, duke përmendur mes të tjerash si argument vendimin e Gjykatës së Lartë për të eliminuar të drejtën mbarëkombëtare për abortin.

A.M./r.k./Shqiptarja.com

TAG:
• SHBA
• adam laxalt
• arizona
• mark kelly