Denaj: Huatë e FMN apo BE mbështesin deficitin e buxhetit shtetëror, nuk përkthen në mënyrë direkte për shtresat në nevojë (VIDEO)

Paratë e marra hua nga FMN, BE dhe tregu i brendshëm, ministrja Denaj tha se ato nuk shkojnë direkt për shtresat në nevojë, por vijnë për të mbuluar dhe realizuar deficitin buxhetor që është 2-fishuar për shkak të masave që janë marrë për përballimin e situatës së COVID-19. Denaj theksoi se këto para po jepen, por përmes masave dhe paketave financiare që ka ndërmarrë qeveria dhe këto huan të marrë do të mbulojnë dhe balancojë  pikërisht këtë deficit të krijuar prej këtyre masave.

Si do të përdoren paratë e marra nga FMN apo BE?

Më duhet të sqaroj se çdo mbështetje me hua nga FMN, BE dhe tregu i brendshëm është një mbështetje për të realizuar deficitin e buxhetit shtetëror. Ne kishim një deficit në nivelin A dhe sot e kemi dyfishuar ketë me marrjen e masave. Ky 2-fishim i deficiti do të vijojë të rritet dhe do të ketë nevojë për mbështetje financiare dhe kjo nuk përkthehet se ne po marrim kredi dhe pse kjo kredi nuk po shkon në shtresat në nevojë. Pasi kjo po bëhet përmes masave që po merr shteti aktualisht. Pra këto para shkojnë për të balancuar diferencën e deficitit të buxhetit dhe masave që po merren aktualisht.  Vetëm paratë që janë dhënë në mbështetje të luftës ndaj COVID-19 dhe pajisjeve mjekësore do të shkojnë për Ministrinë e Shëndetësisë dhe këto fonde janë ende duke u vlerësuar.

Lajmi kryesor:

Ministrja Denaj për Report Tv: Deri tani rreth 50 mijë të papunë! SKEMA si qeveria mendon ta frenojë këtë numër (VIDEO)

/b.ha./Shqiptarja.com

TAG:
• anila denaj
• Koronavirus
• koronavirusi ne shqiperi
• paketa financiare