POP 5

Lajmet më të lexuara të 5 minutave të fundit

Kronikë

Dënimet alternative, gjykatat i japin
8 herë më shumë se në vitin 2009

Gjykatat gjithnjë e më shumë po përdorin dënimet alternative për veprat penale të lehta. Krahasuar me vitin 2009, ato janë tetëfishuar.
 
TIRANË - Gjykatat gjithnjë e më shumë po përdorin dënimet alternative për veprat penale të lehta. Krahasuar me vitin 2009, ato janë tetëfishuar. Të dhënat u publikuan nga drejtori i Shërbimit të Provës, Ilir Qafa gjatë diskutimit të projektligjit për Shërbimin e Provës në Komisionin e Sigurisë. Idlir Peçi zëvendës ministër i drejtësisë, tha se ata që janë pjesë e këtij shërbimi në 99% të rasteve nuk përsërisin më krime. “Shërbimi i provës shmang recidivizmin. Eksperienca tregon se kush kalon në shërbimin e provës nuk bie më në kthetrat e krimit. Nuk ka kosto financiare ky projektligj”, -tha zëvendësministri i Drejtësisë, Idlir Peci.

Deputeti socialist Pirro Lutaj u interesua për shpeshtinë e përdorjes së dënimeve alternative nga gjykatat: “Dënimet alternative a janë përdorur më shpesh në vitet e fundit?” Ilir Qafa, drejtor i këtij institucioni bëri me dije se krahasuar me 7 vjet më parë, gjykatat kanë rritur me më shumë se 8 herë numrin e dënimeve alternative. “Referuar statistikave tona nga 734 dënime alternative në vitin 2009 kanë arritur në 6 mijë në vitin 2015. Të miturit, të dhënat e vitit 2015 janë më të ulëta se në vitet pasardhëse. Gjykatat e kanë përdorur më shpesh dënimin alternativ”, -tha Qafa. Drejtori i Shërbimit të Provës, tha se ky ligj garanton mbikëqyrjen elektronike: “Duam të ruajmë ndryshimet e këtyre çështjeve teknologjike”.

Deputeti demokrat Asllan Dogjani kërkoi informacion mbi numrin e përsëritësve të veprave penale pasi mbarojnë shërbimin e provës. “Na duhet kohë për shqyrtimin e ligjit. Janë trajtuar 20 mijë raste nga shërbimi i provës. Sa nga këta i janë rikthyer normalitetit e nuk kanë bërë krime? Sa janë të mitur?”-tha Dogjani. Sipas Peçit më pak se 1 % e personave rikthehen në vepra penale. “Nga 20 mijë raste, 0.98 % i janë kthyer recidivizmit. Kjo tregon se shërbimi i provës ka qenë i suksesshëm në moskthimin në precedentë penalë. 1200 të mitur janë në shërbimin e provës”-tha Peçi. I pyetur nga Dogjani se për çfarë veprash penale janë kryesisht përsëritësit, numri dy i drejtësisë ju përgjigj: “Për vepra penale të lehta, kryesisht si vjedhja apo armëmbajtje pa leje.”

Deputeti i opozitës, Alban Zeneli “provokoi” zëvendësministrin, duke e pyetur nëse ky draft ishte apo jo i konsultuar me kreun e qeverisë: “A jeni konsultuar me kryeministrin për këtë ligj? Bie ndesh me parimin e tij burg-burg-burg..” Në përgjigje Peçi tha se çdo projektligj vjen në parlament vetëm pas firmosjes nga kryeministri. Në përfundim projektligji u miratua nen për nen dhe në tërësi, teksa mbyllja u shoqërua me batuta. Flamur Noka i cili dukej se e kishte me nxitim si rrallë herë e kërkonte mbylljen e mbledhjes shpejt, mori një batutë nga Arben Çuko. “Ti e ke me nxitim. Nuk të intereson tani shërbimi i provës. Të interesonte vetëm kur ishte Arben Sefgjini”. Por deputeti demokrat nuk iku pa i dhënë përgjigje: “Do ta bëj përsëri drejtor Sefgjinin kur të bëhem ministër”. Socialistët ja kthyen me të qeshur, duke i thënë se derisa Noka të bëhet prapë ministër i brendshëm, Sefgjini do të ketë dalë në pension.


Redaksia Online
(E.Ç./shqiptarja.com)

/Shqiptarja.com
  • Sondazhi i ditës: 25 Janar, 13:37

    A duhet të votojnë emigrantët që kanë vetëm dokumente identifikimi të huaja?

Lajme të tjera



×

Lajmi i fundit

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

‘Në Librari’ me 3 tituj: “Tryezat e ambasadorit” nga Paolo Foresti, “Njëkohësia” nga Lekë Tasi dhe “Edhe një ditë më shumë” nga Malvin Zaimi

26 Janar, 08:14 nga Blerina Goce