Dënimi i "shpifjes", Gjosha: Rama
mori nismën nga sulmet në Kuvend

TIRANE-  Akuzat e përjavshme të opozitës në Kuvend janë bërë shkak që mazhoranca të propozojë ndryshimin e Kodit Penal, me qëllim kriminalizimin e shpifjes. Një qëndrim të tillë e shprehu dje ministrja e Integrimit Europian, Klajda Gjosha, e cila theksoi se nismën e mori vetë kryeministri Edi Rama. Sipas saj, qeveria ndeshet gjatë çdo seance të Kuvendit me akuza të pabazuara në fakte dhe si të tilla, sipas propozimit të kryeministrit, çdo deklaratë e cilësuar si shpifje, duhet dënuar me gjobë ose burgim deri në 3 vjet. “Nisma është ndërmarrë nga kryeministri duke parë situatën politike në Kuvend dhe në vend ku ne ndeshemi mes akuzash të pavërteta”, u shpreh Gjosha.