SHBA - NBA zhvilloi shtatë ndeshjet e radhës në parket. Elita e basketbollit amerikan dhuroi surpriza, ndërsa Denverit s'i mjaftuan 61 pikët e Nikola Jokic për të fituar në shtëpi kundër Minnesotas. Sukses për Golden State, aty ku Stephen Curry ishte protagonist me 52 pikë. Fitore për Orlandon, Chicagon e New York.

Fitorja e tretë radhazi për ekipin e Golden State, që mundi 134-125 Memphis jashtë fushe dhe konsolidon pozitat në vendin e pestë në Perëndim. Ndeshje speciale për Stephen Curry, që realizoi 52 pikë e 10 rebound, duke qenë lider për Warriors.

Rikthehet te fitorja skuadra e Milwaukee, që mundi 133-123 Phoenix. Të gjithë titullarët e skuadrës së Bucks realizuan mbi 12 pikë, ku u dallua Antetokounmpo me 37 pikë e 11 asist, duke i bërë të pavlefshme 39 pikët e Booker për miqtë.

Në sekondat e fundit të kohës shtesë fiton Minnesota, që mundi 140-139 Denver. Anthony Edwards me 34 pikë ishte lider për miqtë, ndërkohë që Jokic realizoi 61 pikë, 10 rebound e 10 asist, por që s’mjaftuan për të evituar humbjen.

Rezultatet në NBA:

Atlanta – Portland, 113-127

Milwaukee – Phoenix, 133-123

New York – Philadelphia, 105-91

Chicago – Toronto, 137-116

Memphis – Golden State, 125-134

San Antonio – Orlando, 105-116

Denver – Minnesota, 139-140

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Sondazhi i ditës: 27 Dhjetor, 14:09

    Si ka qenë 2025-a për ju?

Lajme të tjera