POP 5

Lajmet më të lexuara të 5 minutave të fundit

Arkiva

Deputetët "gjyq" Ramës për
listat e zgjedhjeve të 2013

Kryetari i Partisë Socialiste, Edi Rama, është përballur dje në mbrëmje me një "gjyq" për listat e ardhshme të deputetëve. Në takimin e përjavshëm të Komitetit për Komunikimin me Qytetarët, ku janë të pranishëm deputetë që nuk janë anëtarë të Kryesisë, ka pasur një përplasje midis ligjvënësve dhe kryesocialistit.
Deputetët "gjyq" Ramës për<br />listat e zgjedhjeve të 2013
TIRANE- Kryetari i Partisë Socialiste, Edi Rama, është përballur dje në mbrëmje me një "gjyq" për listat e ardhshme të deputetëve. Në takimin e përjavshëm të Komitetit për Komunikimin me Qytetarët, ku janë të pranishëm deputetë që nuk janë anëtarë të Kryesisë, ka pasur një përplasje midis ligjvënësve dhe kryesocialistit.

Burime nga kjo mbledhje bëjnë të ditur se disa deputetë socialistë kanë shprehur shqetësimin për shkak të disa personave që flasin në emër të Ramës se kush do të jetë në listat e ardhshme si kandidat për deputetë, në zgjedhjet e verës së vitit 2013. Fillimisht ka qenë kryetari i PS-së i cili mësohet të ketë kërkuar nga deputetët që të mos flasin më në tavolina kundër njëri-tjetrit por që nga sot, çfarë shqetësimi apo propozimi të kenë ta paraqesin në mbledhjen e deputetëve. Kaq ka mjaftuar që deputetët të nisin ankesat, duke e hapur tamam zemrën në këtë takim.

Deputeti Sadri Abazi ka qenë i pari që ka reaguar duke kërkuar që të normalizojë situatën e duke vlerësuar se në një parti të madhe politike mund të ndodhin të tilla gjëra. Por, më i ashpër ka qenë qëndrimi i mbajtur nga deputeti i qarkut të Shkodrës, Paulin Sterkaj, i cili ka shprehur shqetësimin për disa deputetë të cilët po flasin në emër të Ramës se kush do të jetë në listat për zgjedhjet e ardhshme.

Sipas burimeve, Sterkaj mësohet të ketë thënë se në këtë rrugë "trajneri është kryetari i PS dhe ai e vendos se kush hyn dhe kush nuk hyn në fushë dhe jo të tjerë të flasin në emër të tij". Për këtë çështje ka reaguar edhe deputetja e Elbasanit, Shegush Ligori, e cila mësohet të ketë thënë se "kryebashkiaku i Elbasanit, Sejdini ka nisur që tani të flasë në emër të Ramës se kush do të jetë në lista dhe kush jo|. Kjo, sipas saj, nuk është normale. Rama i ka qetësuar deputetët, duke nënvizuar se vendosin forumet dhe se është herët për këto debate. Mbledhja ka nisur në orën 19:00 dhe ka zgjatur më shumë se 90 minuta, duke treguar në këtë mënyrë se bashkëbisedimi ka qënë vërtetë i gjatë.
(sg/shqiptarja.com)

  • Sondazhi i ditës:
    25 Nëntor, 08:30

    Takimet jashtë, mendoni se diaspora do marrë pjesë masivisht në votime?

Lajme të tjera



×

Lajmi i fundit

Sot Champions League, Milan dhe Barcelona e kanë të lehtë në letër! Inter e City në shtëpi, spikat Bayern Munich - PSG

Sot Champions League, Milan dhe Barcelona e kanë të lehtë në letër! Inter e City në shtëpi, spikat Bayern Munich - PSG

26 Nëntor, 10:21