POP 5

Lajmet më të lexuara të 5 minutave të fundit

Politikë

Deputetët- Berishës në grupin
PD: Urgjent jepni oborret

Deputetët demokratë kanë kërkuar nga kryeministri Berisha në mbledhjen e grupit të PD që të përshpejtohen procedurat e kalimit të oborreve në përdorim në pronësi të qytetarëve. Deputetja Pernaska: Ka pasur shqetësime që sjellin kosto elektorale.
Berisha: Ruçi arkitekt i bllokimit të ligjeve
TIRANE- Deputetët demokratë i kanë kërkuar kryeministrit Berisha që të aplikohen urgjent procedurat e kalimit në pronësi të oborreve në përdorim. Deputetja demokrate, Lajla Pernaska ka nënvizuar faktin se ka shumë shqetësim nga qytetarët se nuk po gjen asnjë zbatim regjistrimi i këtyrë pronave që ende mbeten pezull. "Do dëshiroja që të përshpejtohej procesi i kalimit të sipërfaqeve të asaj që quhet oborr në përdorim, në pronësi të disponuesve e regjistrimi i tyre në hipotekë. Pasi ka shumë shqetësim nga ana e qytetarëve të clët ankohen për zvarritjen e aplikimit të këtyre procedurave e që mund të konsistojë në një kosto elektorale për mazhorancën", mësohet të ketë thënë dje deputetja demokrate Lajla Pernaska në mbledhjen me dyer të mbyllur të grupit të PD.

Ndërsa Kryeministri Berisha mësohet të jetë thënë që "po bëhen të gjitha përpjekjet që të zbatohet kalimi i këtyre oborreve në përdorim në pronësi të atyre që i disponojnë dhe e di sa rëndësi ka kjo për qytetarët". Procedurat e kalimit në pronësi të sipërfaqeve, kur në dokumentin e pronësisë është shënuar "oborr në përdorim", si dhe regjistrimi i këtyre pasurive në regjistrin publik të pasurive të paluajtshme ka kaluar që në gusht të këtij viti nga qeveria. Qytetarët që kanë ndërtuar para viteve '91 ose që kanë mundur të fitojnë të drejtën për të pasur në përdorim godinat shtetërore, do kenë mundësi të përfitojnë edhe pronësinë mbi tokën duke iu dhënë e drejta e pronës mbi tokën. Nga vendimi i qeverisë s'përfitojnë ata që kanë ndërtuar objekte informale në truallin shtetëror. Këta të fundit do duhen të ndjekin procedura krejtësisht të tjera.

Ndërkaq, AKKP do veprojë gjatë procedurave të regjistrimit fillestar me kërkesë të regjistruesit apo të një personi ose çdo grupi të ngarkuar nga kryeregjistruesi. Të cilët do verifikojnë nëse prona që kërkohet të privatizohet është në posedim, s'ka konflikte dhe pa ndërprerje, të pronarit të ndërtimit. Më pas do të shikohet nëse brenda kësaj sipërfaqeje gjendet ndërtimi që duhet të plotësojë dy kushte: të jetë i regjistruar në regjistrat e ZRPP-së, në pronësi të kërkuesit dhe të jetë ngritur para datës 10.8.1991.

Sipërfaqja për të cilën do të kërkohet privatizimi duhet të jenë në pronësi të shtetit, ndonëse të paregjistruara si të tilla, të patransferuara në inventarin e pronave të organeve të qeverisjes vendore. Këto sipërfaqe toke duhet të rezultojnë fizikisht të lira dhe të pazëna nga ndërtime pa leje dhe të mos jenë futur në fondin e parashikuar për kthimin apo kompensimin e pronës. Të gjithë qytetarët të cilët kanë oborre në përdorim do të mund t'i tjetërsojnë pa kundërshpërblim, në rastin kur e drejta e pronësisë mbi këto sipërfaqe është hequr pa kompensim, për shkak të ligjeve të kohës.


Shkrimi u publikua sot në gazetën Shqiptarja.com
(sg/shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Vota e diasporës/ Kthupi në Repolitix: Mos prisni të bëjë ndryshime radikale, partitë e mëdha nuk e duan

Vota e diasporës/ Kthupi në Repolitix: Mos prisni të bëjë ndryshime radikale, partitë e mëdha nuk e duan

15 Janar, 22:11