Kreu i Grupit Parlamentar të PS, Taulant Balla, ka komentuar tensionet e ditës së sotme në seancën plenare, por është penguar të flasë nga dy deputete të LSI, Kejdi Mejmetaj dhe Floida Kërpaçi. Balla po fliste për aeroportin e Vlorës, ku dy deputetet e reja të LSI i kanë ndërhyrë, duke mos e lënë të flasë.

"Keni zgjedhur të bëni kukuvajkat, më vjen shumë keq. Populli gjykon e vlerëson”, ju tha Balla deputeteve, duke shtuar se "Kanë ngelur dhe disa kalamaj tjerë. Sot është një ditë shumë e rëndësishme, urime popullit të Vlorës. Do të jetë një ndër aeroportet më të mira në Ballkan". 

Ndërkohë, menjëherë pasi u largua Balla, deputetja Nora Malaj hodhi akuza të forta ndaj deputetëve të mazhorancës, duke thënë se ka mbaruar Kodi i Etikës dhe ka filluar Kodi i Luftës dhe ngacmimit seksisë.

Malaj: Parlamenti është vendi i fjalës së lirë. Ka mbaruar kodi i etikës dhe ka filluar kodi i luftës dhe ngacmimit seksisë në Parlament.
Mehmetaj: Shikoni kush nga ne mund të ketë frikë, asnjë përveç asaj edukate që përfaqësoi sot Taulant Balla dhe Rama. 
Kërpaçi: Bëjnë moral të pamoralshmit. 

d.c./shqiptarja.com