POP 5

Lajmet më të lexuara të 5 minutave të fundit

Politikë

PD kërkon verifikimin e kryetarit të bashkisë Divjakë: Është i dënuar për trafik të qënieve njerëzore! Reagon Kokoneshi: Shantazh i Gazmend Bardhit

Grupi Parlamentar i Partisë Demokratike, Enkelejd Alibeaj i ka kërkuar sot Prokurorit të Përgjithshëm hetimin e Fredi Kokoneshit, kryetarit të Bashkisë Divjakë, për shkak se sipas PD-së rezulton i përfshirë dhe i dënuar për trafik të qënieve njerëzore në Itali

PD kërkon verifikimin e kryetarit të bashkisë Divjakë: Është i dënuar për trafik të qënieve njerëzore! Reagon Kokoneshi: Shantazh i Gazmend Bardhit

Kryetari i bashkisë Divjakë Fredi Kokoneshi

Grupi Parlamentar i Partisë Demokratike, Enkelejd Alibeaj i ka kërkuar sot Prokurorit të Përgjithshëm hetimin e Fredi Kokoneshit, kryetarit të Bashkisë Divjakë, për shkak se sipas PD-së rezulton i përfshirë dhe i dënuar për trafik të qënieve njerëzore në Itali. 15 deputetë të PD i kërkojnë organit të prokurorisë që të ndjek procedurat sipas ligjit të dekriminalizimit.

Nga të dhëna të bëra publike më parë, ekziston dyshimi i arsyeshëm thotë PD, se subjekti Fredi Kokoneshi, ndodhet në kushtet e ndalimit për të kandiduar dhe për t’u zgjedhur në një funksion të lartë publik.

“Kryetari i Bashkisë Divjakë ka kryer trafik të qënieve njerëzore dhe veprimtari të paligjshme të lidhura me prostitucionin në Milano dhe për pasojë, ai ka qenë i arrestuar nga Policia Italiane dhe i dënuar me burg” - thuhet në kërkesën e firmosur nga 15 deputetë.

Kujtojmë se pak javë kryetari i bashkisë Divjakë, Fredi Kokoneshi denoncoi një polici se ishte dhunuar fizikisht nga një 32-vjeçar i identifikuar si Dritan Sterkaj.

 

Kerkesa e PD

Formulari i dekriminalizimit

Rendit zhvillimet sipas orarit:
Ora 17:06
PD kërkon hetimin e tij, kryebashkiaku i Kavajës: Gazmend Bardhi po më shantazhon! Reagon deputeti demokrat

1658416050_800002dca1d97c29a37cec9ef0096ea0cfba.gif

Fredi kokoneshi reagon për akuzat nga ana e partisë demokratike. Ai thotë se këto janë akuza të përsëritura, të njëjta me të vitit 2018.

“Ka një vendim të prokurorisë 15 korrik 2019 ku figura ime është e pastër, pas kontrolleve brenda dhe jashtë shtetit. Akuzat kanë ardhur për shkak të një anëtari të këshillit kombëtar të PD, Dritan Stërkaj. Resorti i tij ‘Divjaka resort’ është strehë e Gazmend Bardhit. Ashtu si i kam kallëzuar në prokurori do t'i kallëzoj sërish! Gaz Bardhi do të më shantazhojë sepse po verifikoj pronat e Divjaka Resort”

Ndërsa i menjëhershëm ka qenë reagimi i Gazmend Bardhit. 

"Lexova një reagim të një trafikanti qëniesh njerëzore të denoncuar nga vetë PS dhe mu kujtua Valdrin Pjetri dhe Agim Kajmaku në akuzat ndaj meje. Ishte e njëjta gjuhë dhe të njëjtat argumente. Zbatimi i ligjit të dekriminalizimit është prioritet dhe grupi parlamentar i PD ka qenë dhe do mbetet i vendosur për të pastruar politikën nga personat me rekorde kriminale. Trafikantët dhe të korruptuarit duhet të jenë në burg dhe jo në krye të institucioneve", shkruan Bardhi.

K.T./Shqiptarja.com

M.Q./K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Ngjarja më e pabesueshme dhe e jashtëzakonshme, në një Krishtlindje

Ngjarja më e pabesueshme dhe e jashtëzakonshme, në një Krishtlindje

25 Dhjetor, 14:03 nga Enver Robelli