Deputeti i PS iu lutet Bashës e
Vasilit: Ju dëgjova, por ...!

Vendosja e TVSH për biznesin e vogël është kthyer në “mollë sherri” për politikën shqiptare, e cila prej ditësh përplaset me akuza dhe kundërakuza nga të gjitha palët. Pjesë e debatit është bërë ditën e sotme dhe deputeti socialist, njëherësh kryetari i Komisionit të Ekonomisë, Erjon Braçe. Në një reagim të tijin, Braçe sqaronte Bashën për ndikimin e TVSH te biznesi i vogël, një reagim që u përdor dhe nga Rama si kundërpërgjigje ndaj kreut demokrat.

Por, gjatë ditës së sotme pati sërish dalje nga Basha, por edhe nga Petrit Vasili i LSI, të cilët akuzuan ashpër këtë nismë të qeverisë. Në lidhje me këtë, ka reaguar sërish deputeti Braçe, i cili shkruan në “Facebook” se që të dy, si Basha dhe Vasili, gënjejnë, teksa sqaron sërish këtë çështje.

Postimi i plotë i Braçes:
I degjova edhe nje here, te dy udheheqesit e opozites, edhe Lulezimin, edhe Petritin. Perseri per Tatimin mbi Vleren e Shtuar. Perseri me duhet te them qe, GENJEJNE! Petrit Vasili, vijon te thote se biznesi i vogel ka qene ne skemen e TVSH deri ne vitin 2015-te, kohe kur sipas tij e hoqi kete barre Edi Rama.

E kam shpieguar edhe nje jave me pare; biznesi i vogel ne kete vend, nuk ka patur kurre detyrimin te faturoje, mbledhe e derdhe ne buxhetin e shtetit TVSH! Prej vitit 1996, kohe kur u vendos TVSH, biznesi i vogel nuk ka qene ne skemen e TVSH. Domethene, nuk i eshte hequr gje-TVSH-ja domethene kurre, sepse nuk ka qene pjese e saj. Pra, per cdo qytetar perfshire edhe ata qe merren me biznes te vogel: Biznesi i vogel nuk ka faturuar kurre TVSH ne shitje. Ai eshte perjashtuar me pragje por, gjithnje pragjet jane ulur per te perfshire segmente te biznesit te vogel ne skemen e TVSH. Pra, nuk eshte hequr TVSH per ta-sepse nuk ka patur, por jane perfshire ne skemen e TVSH. Qellimi ka qene i njejti: Ulja e evazionit fiskal tek te medhenjte, por edhe tek te vegjlit qe nuk rriten kurre per shkak te evazionit.

Ajo qe i eshte hequr biznesit te vogel ne vitin 2015-te, nuk eshte TVSH-ja- edhe nje here, nuk ka qene ne skemen e TVSH; Ne 2015-ten, eshte hequr tatimi mbi xhiron, kthyer me pas ne taksa vendore mbi biznesin e vogel, e cila, u be dhe eshte zero.

Tani te lutem zoti Petrit, Taksa Vendore mbi Biznesin e Vogel eshte e ndryshme nga Tatimi mbi Vleren e Shtuar. Lulzim Basha, vijon te thote dy gjera te zakonshme-“futja ne skemen e TVSH e biznesit te vogel do e shkaterroje ate” dhe, “futja ne skemen e Tvsh e biznesit te vogel do rrise cmimet”. Kryetari i opozites duhet te dije se, jo gjithnje cmimet e mallrave i percaktojne tatimet apo taksat (cmimi i naftes, beteja e tij e pare eshte shembulli) dhe, duhet te kuptoje qe nese rriten cmimet do te thote qe biznesi po e bart TVSH tek qytetari konsumator; ne kete rast, biznesi nuk rrenohet automatikisht, do varet nga konsumi dhe konkurenca natyrisht.

Redaksia Online
D.Ç./Shqiptarja.com

TAG:
• nafte