Deputetja: Duam që frëngjishtja të bëhet gjuha e parë e huaj në Shqipëri

Deputetja franceze, Liliana Tanguy e cila ishte ditën e sotme në Shqipëri në një takim me kreun e Grupit Parlamentar të PS-së Taulant Balla dhe deputeten socialiste, Blerina Gjylameti vuri theksin në forcimin e marëdhënieve mes dy vendeve. Ajo tha se është impresionuar nga niveli i mësidhënies së gjuhës franceze dhe shprehu dëshirën që ajo të jetë gjuhë e parë në Shqipëri.

"Qëllimi i vizitës tonë është të forcojmë edhe më shumë bashkëpunimin tonë mes Francës dhe Shqipërisë në fushën e turizmit dhe transportit. 

Kompanitë tona franceze janë të specializuara në këto fusha. Prandaj Franca do t’i zhvillojë këto sektorë në Shqipëri përmes agjencisë zhvillimit që kemi në Francë. 

Duhen  intensifikuar marrëdhëniet edhe në planin universitar.

Ne duam që Shqipëria ta praktikojë gjuhën frënge.

Ne vizituam Aleancën Franceze dhe u impresionova nga cilësia e mësimdhënies atje.

Do të donim që frëngjishtja të ishte gjuhë e parë e mësuar në Shqipëri", u shpreh Tanguy.

TAG:
• Liliana Tanguy