Derbi i Italisë nuk ka fitues, Roma
fitore me polemika, humbet Milani

Përfundon në barazim derbi Italisë mes Juventusit dhe Interit. 90’ nuk nxorën një fitues, pasi në fund dy ekipet ndanë nga një pikë në barazimin 1-1.

Rezultati la më të kënaqur ekipin e Interit, pasi Juventusi dominoi gjatë gjithë ndeshjes. Bardhezinjtë fillimisht kaluan në avantazh me Tevez në të 5’ ndërsa Icardi barazoi në pjesën e dytë në të 64’.

Me këtë rezultat Juvja kryeson me vetëm 1 pikë larg Romës. Napoli shpartalloi Cesenën 1-4.

Roma fitoi përballë Udineses mes polemikave pas golit të Davide Astorit.

Arbitri i vijës së portës nuk sinjalizon gol pasi topi u përplas në traversë e më pas kaloi vijën fatale, por arbitri kryesor vendosi se topi kishte hyrë plotësisht brenda.


Surpriza ka qenë humbja e Milanit përballë Sasuolës. Dy golat e Zazës kanë bërë të pavlefshëm atë të Polit të shënuar në fillim duke gjunjëzuar Milanin që duket se akoma nuk i ka dalë pija nga festat e fundvitit.


Tjetër surprizë ka qenë edhe humbja e Fiorentinës nga Parma, teksa vjollcët humbën një penallti me anë të Gomez dhe mbetën me dy lojtarë më pak pas daljeve me të kuqe.


d.b/shqiptarja.com