POP 5

Lajmet më të lexuara të 5 minutave të fundit

Sport

Derbi Inter-Juventus ‘ndez’ Italinë! Në Spanjë luhet Real Madrid-Atletico

Sonte në orën 20:45 luhet derbi i Italisë mes Interit dhe Juventusit që me shumë mundësi do përcaktojë shumë për luftën e titullit kampion. Në prag të ndeshjes trajneri i Juventusit ka dashur të kalojë presionin te Interi duke u shprehur se janë favorit. Po sonte në La Liga do luhet derbi i Madridit mes Realit kryesues dhe Atleticos

Një sfidë që kushton mbi 1 miliardë euro duke marrë parasysh vlerat e lojtarëve, por që ka brenda shumë histori dhe 3 pikë që mund ta dërgojnë secilën skuadër pranë titullit kampion. Po flasim për derbin e Italisë Inter-Juventus, që luhet sonte në orën 20:45 në San Siron e shitur prej kohësh dhe me një ndeshje që do transmetohet pothuajse në 200 vende të botës.

Këtë herë interesi është edhe më i lartë, pasi Interin kryesues e ndjek Juventusi vetëm me 1 pikë më pak pavarësisht se zikaltërit kanë një ndeshje më shumë në dispozicion. Në prag të takimit, trajneri i Juventusit Allegri, është përpjekur ta kalojë presionin te Interi, i vetëdeklaruar që në nisje të sezonit për titullin kampion.

Sinkron Allegri, trajner i Juventusit: “Do jetë një ndeshje e bukur dhe e vështirë, por jo vendimtare për kampionatin, pasi është shumë i gjatë. Thuram te Interi më kë befasuar pozitivisht, ndërsa mund të them se zikaltërit janë favorit, pasi objektivi ynë është të futemi në zonën Champions”.

Më i drejtpërdrejtë është treguar trajneri i Interit Simone Inzaghi, i cili ka thënë se do jetë një mbrëmje magjike ku kërkojnë ti japin një gëzim të madh tifozëve, duke lënë të kuptohet se qëllimi janë vetëm 3 pikët dhe një goditje e fortë për kundërshtarin. Juventusi ka shpenzuar më shumë për të ndërtuar skuadrën dhe paguan më shumë rroga, por shpesh nga bardhezinjtë thuhet se Interi është një skuadër më e pasur dhe blerjet kanë qenë të shtrenjta, si një formë presioni ndaj rivalëve.

Kjo e diel rezervon edhe një superpërballje në orën 21:00 në La Liga, derbin e Madridit mes Realit dhe Atleticos në Bernanbeu. ‘galaktikët’ e Ancelotti vijnë si kryesues të La Ligas, ndërsa kjo mund të jetë mundësia e fundit që Atletico të pretendojë kreun, pasi diferenca në renditje është 10 pikë.

‘Super mbrëmje’ për tifozët, sonte Inter-Juventus dhe Real-Atletiko!

M.Q./E.H/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça