Dëshmia e Ramës: Llalla qeshi 
 kur dëgjoi historinë e Tomës

TIRANE- Kryeministri Edi Rama, e ka quajtur skenar filmi planin e vrasjes së deputetit Tom Doshi. Në dëshminë e tij prej tre faqesh dhe përballë prokurorëve të Krimeve të Rënda, Rama i ka kërkuar ish-mikut të tij Tom Doshi, se ai nuk mund të binte pre e dëshmisë së një ordineri, duke vendosur të shkarkojë kryeprokurin Llalla dhe kreun e Kuvendit Ilir Meta.

Aq më tepër sipas kryeministrit, kur Tom Doshi i ka kërkuar që pasi të dëgjonte dëshminë e Durim Bamit, duhet të hiqte dhe kryeprokurorin Adriatik Llalla. Sipas rrëfimit të Edi Ramës, Doshi i ka pohuar një histori plagosje të një personi që quhej Ton Qerosi (Fatjon Skënderi), i cili kishte lidhje shoqërore me prokurorin e Krimeve të Rënda.