"Njerëz që ulërisnin dhe që bërtisnin, gjak kudo nëpër aeroport" kështu shprehen të mbijetuarit e terrorit në aeroportin Ataturk të Stambollit ku mbetën të vdekur 41 persona e u plagosën rreth 239 të tjerë.

Panikun e krijuar dhe mënyrën sesi mundi të shpëtojë terrorit dhe terroristëve që morën jetë të pafajshme e rrëfen një i mbijetuar për Daily Mail.

Laurence Cameron si të gjithë të sapombërriturit në aeroportin e Stambollit ishte në ambientet e aeroportit mbrëmjen e kaluar,  mbrëmjen e tmerrit. Në momentin që ai hyri në terminal ai pa njerëz që po vrapononin për ti shpëtuar vdekjes pas shpërthimit të bombës.

"Ndoshta shpërthimi sapo kishte ndodhur kur un hyra në terminal. ishte e tmerrshme  nuk e dëgjova zhurmën e shpërthimit, eca i friksuar cepave të godinës dhe shikoja vetëm fytyra njerëzish të tmerruar që "vraponin për jetën" dhe thërrisnin për ndihmë para meje.Shikoja rojet e sigurisë me armë në dorë duke vrapuar"-thotë ai për MailOnline

Kjo nuk është hera e parë që Turqia goditet nga terroristët që shkaktojnë të vdekur njerëz të pafajshëm.

Redaksia online
(s.m/ shqiptarja.com)