POP 5

Lajmet më të lexuara të 5 minutave të fundit

Kronikë

DETAJE TE REJA/ Vrasja në hotelin Greccia në Dhërmi, zbulohet ku u gjet trupi i recepsionistit! Turistja dëgjoi krismat, vjehrra e pronarit telefonoi policinë

Detaje të reja nga vrasja e ndodhur brenda hotel Greecia në Dhërmi. Monitorimi i kamerave të sigurisë që kishin filmuar lëvizjet e makinës së autorit çuan policinë në vendin ku kishte fshehur trupin.  

Është gjendur trupi i pajetë i Eraldo Nevruzit, recepsionisti i hotel ‘Greccia’ në Dhërmi i cili u vra nga pronari i hotelit Gerald Shehu rreth orës 00:30 të 6 qershorit 2024.

Mësohet se trupi është gjetur në një zonë mes Gjipesë dhe Vunoit, informon gazetari i Shqiptarja.com dhe Report Tv, Armand Xhelili. 

Policia ka verifikuar kamerat e sigurisë për të parë lëvizjen e makinës së autorit e cila ka qenë e dëmtuar. Kjo ka qenë indicie e policisë se Gerald Shehu duhet të ketë lëvizur në një rrugë të ngushtë, për ta hedhru trupin. Shehu ka ecur Dhërmi – Himarë dhe pasi ka fshehur trupin në guroren në Vuno është kthyer në banesë për të marrë rrobat e tij dhe për tu larguar drejt Greqisë përmes Qafë Botit.

Si ka ndodhur sherri

Burimet e grupit hetimor bëjnë me dije se pak pas mesnatës autori ka thirrur Eraldon nga dhoma e së bashku kanë dalë tek shkallët për tu sqaruar. Aty ka pasur një konflikt dhe më pas Geraldi e ka qëlluar me 2 plumba në kokë dhe më pas u ka bërtitur dy punëtorëve, tashmë të arrestuar për ta ndihmuar për të futur trupin në qese plehrash dhe transportuar në makinë.  Duke iu referuar grupit hetimor mësohet se janë përpjekur të lajnë me ujë dhe gjurmët e gjakut brenda në hotel.

Hoteli frenkuentohet nga turistë anglezë të cilët kishin shkuar në Dhërmi për të marrë pjesë në “Kala Festival”. Ka qenë një turiste angleze që i ka thënë policisë se ka dëgjuar krisma dhe të bërtitura. Ndërkohë vjehrra e tij ka marrë në telefon policinë pasi nuk ka gjetur recepsionistin në hotel dhe as rrobat e tij.


Lajmi kryesor:

U vra me dy plumba në kokë, gjendet trupi i recepsionistit të hotel ‘Greccia’ në Dhërmi! Arrestohen 2 punonjësit, ndihmuan pronarin ta fshehë
S.G/SI.E./Shqiptarja.com
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

Si zgjidhen problemet me pronat, korrupsioni dhe digjitalizimi i Kadastrës, gjetjet dhe rekomandimet e ekspertëve në Komisionin Antikorrupsion

27 Nëntor, 21:56