Përpara se Lulzim Basha të merrte vendimin personal, të beftë dhe të papritur për Sali Berishën ai ka pasur tre biseda të gjata me të: një në fundjavën e shkuar në Gjirin e Lalzit, një në Tiranë dhe të fundit në celular, pak minuta përpara se të bënte publik vendimin. Por në asnjërën prej tyre, madje as në atë telefonike të minutave të fundit, ai nuk i ka thënë copë ish mbrojtësit dhe promovuesit të tij se kishte ndërmend ta përjashtonte.
Gjithashtu mbetet mister edhe koha kur e ka marrë këtë vendim. E ka vendosur që në fillim, kur në mes të majit sekretari i shtetit Blinken bëri publik aktin e shpalljes 'non grata', apo në ditët e fundit kur iu shtuan presionet dhe shantazhet nga diplomatët lokalë amerikanë.
Gjithsesi, Berisha pretendon se Basha e ka bërë gjithçka për të shpëtuar lëkurën e tij, pasi e kanë kërcënuar edhe atë me ndalimin e udhëtimeve në SHBA: “Ka disa vite që nuk shkon në SHBA. ka disa fluturime të anuluara. Gjithçka ka bërë vetëm për veten e tij. Gjithçka e ka bërë në funksion të interesit të tij personal”, tha Berisha mbrëmë.
Nga sa pranojnë njohje të përbashkëta, Basha nuk ia ka hapur temën e përjashtimit gjatë takimit të parë në Lalëz. Ai i ka folur se ambasadorja amerikane e ka njoftuar vetë ish-kryeministrin për këtë vendim, gjë të cilën Berisha e ka mohuar. Ai i ka thënë edhe se amerikanët po pretendojnë që nëse Berisha nuk tërhiqet, do të ketë pasoja mbi fëmijët dhe familjarët.
Në takimin e dytë të martën në Tiranë, Basha bën një hap të ngathët përpara. Ai teston Berishën lidhur me mundësinë që mazhoranca qeverisëse ta përjashtonte atë nga parlamenti me anë të ligjit të dekriminalizimit. Këtë version të bisedës e pohon edhe vetë Berisha: “Ai me mua ka bërë një bisedë 3 ditë përpara ku më thotë se si do ia bëjmë se na del problemi i atij ligjit, të dekriminalizimit. I them nuk ka asnjë lidhje. Ligji i dekriminalizimit penalizon njerëz për akuza konkrete kurse ato për mua janë në përgjithësi”, rrëfeu Berisha.
Një ditë më parë, të hënën, ai kishte dhënë një intervistë ku shpalli vendimin e tij për të hyrë në parlament dhe e kërcënoi Bashën me nisjen e një lëvizjeje në bazën e demokratëve, nëse ai imagjinonte të ndërmerrte ndonjë veprim të papritiur
Por, kryetari i PD-së ishte mes dy zjarresh. Po të njëjtën ditë ai ishte shantazhuar edhe nga ambasadorja Yuri Kim, e cila kishte shkruar se do të procedohej me veprime të mëtejshme.
Vetë Basha i ka treguar kështu në kryesinë e PD- së tratativat me amerikanët. “Në këto dy muaj e gjysmë, unë kam shfrytëzuar çdo resurs që kam në SHBA, bashkë me doktor Berishën, por nuk e zgjidhëm dot problemin. Po ju them diçka që kam Gazment Bardhin dhe Jorida Tabakun dëshmitarë. Kur ka ardhur Philip Reeker që më ka takuar në seli, ka ardhur vetëm me kërkesën për të përjashtuar Berishën dhe nuk pranonte asnjë negociatë. Na është bërë i qartë vendimi i DASH-it për këtë. Ka më shumë detaje që nuk janë bërë publike për këtë çështje, por që nuk kam ndërmend t’i ndaj me askënd, por ky është vendimi më i duhur për Berishën dhe familjen e tij”, tha Basha para Grupit Parlamentar të enjten.
Në këtë deklaratë të Bashës ka disa inkoseguenca që nuk bindin. E para vizita e ndihmës sekretarit amerikan të shtetit të cilës ai i referohet ka ndodhur në 30 qershor. Basha thotë se ka dëshmitarë që Philip Reeker i ka paraqitur edhe prova që ai nuk do t'i bëjë publike. Po mirë, lind pyetja, nëse këto prova qenë kaq të rënda, a nuk duhet ai së paku ato t'ja tregonte Berishës, që e mohon ekzistencën e tyre? Po le të supozojmë një moment se gënjen Berisha dhe jo Basha dhe ata të dy kanë qenë në djeni të këtyre fakteve përvëluese. Si ka mundësi që Berisha me gjithë njohjen me to, ka vendosur të vazhdojë betejën për të zbardhur akuzat, ndërsa Basha qenka merakosur më shumë se i zoti i punës për fatin e Berishës dhe të fëmijëve të tij? Mos e do vallë më shumë Luli, Shkëlzenin dhe Argitën sesa vetë Saliu? Vështirë të besohet.
Por ajo që është më flagrante qëndron në episodin final të kësaj drame politike dhe personale. Në momentin e komunikimit të fundit mes të dyve, vetëm 15-20 minuta përpara se vendimi i përjashtimit të Berishës të bëhej publik, Basha i bën një telefon doktorit që nuk gjendej në Tiranë, por në Lalëz. As në këtë moment ai nuk i flet sinqerisht. Në formë pyetjeje i kërkon mendim se ndoshta mos qe më mirë që të pezullohej për disa kohë nga grupi parlamentar që do diskutonte për këtë temë.
Pra nuk ia thotë si vendim por ia shtron si hipotezë. Tallja është e nivelit të lartë dhe si ujk i vjetër i politikës, Berisha e nuhat se nuk bëhej fjalë për disa muaj, por për një përjashtim përfundimtar. Ai është i ndërgjegjshëm se betejën me “non grata-n” e amerikanëve nuk e fiton dot për disa jave, ndoshta as për gjithë jetën. Prandaj i thotë prerë: “Kjo mundësi nuk ekziston. Nëse do të bëni mbledhje me deputetët, thuaju atyre se Sali Berisha e kundërshton prerë këtë version”.
Në fakt, Basha thjesht bën prestigjatorin se ai nuk ka ndërmend të mbledhë njeri dhe të konsultohet me partinë. Ai vërtet i ka thirrur deputetët, por do ti lërë ata ta dëgjojnë në hollin e PD, përmes facebookut dhe TV, vendimin që ai ka marrë për Berishën. Edhe gjoja pyetja për doktorin është një lëvizje mashtruese sa për të larë gojën. Disa burime nga PD-ja tregojnë se deklaratën që do të transmetohej në ora 20:10 të së enjtes ai e ka regjistruar që në ora 17:30. Pra kur e ka marrë Berishën gjoja sikur e ka testuar për një hipotezë, ai e kishte marrë vendimin.
Gjatë gjithë kohës, që kur mori kërcënimet e para nga amerikanët ai ka luajtur dhe është tallur me njeriun që e zgjodhi në krye të PD për t'i mbrojtur krahët, pa e ditur se pikërisht nga Luli, do ti vinte thika pas shpine. Jo më kot Berisha e quajti atë që i ndodhi të enjten: “një pabesi”./ Lapsi.al
Komente
Lajme të tjera
-
PD: Balluku shfaqje nëpër fasoneri, euro në pikiatë
26 Dhjetor, 19:54 -
Ylli Pata: Pse opozita nuk ka fituar pikë nga hetimet e SPAK?
26 Dhjetor, 19:48
-
Gati kallëzimi i ri për Sali Berishën në SPAK, avokati Beqiri: Falsifikoi datën e lindjes
26 Dhjetor, 19:39 -
‘Studio Live’, avokati Islami: ‘Berisha do arrestohet, non grata s'i hiqet! Nuk do ketë zgjedhje!’ Balliu sulmon Bashën si ‘dështak’: Kam votuar Olldashin!
26 Dhjetor, 18:14 -
Studio Live/ Debat i fortë në REPORT TV, Bala: S’e dimë se ç’ka thënë Këlliçi për diplomën, pasurinë dhe foton me Trump! Balliu: S’është e vërtetë! Islami: Duhen fakte
26 Dhjetor, 17:51 -
Sondazhi i Report Tv, Namir Lapardhaja: PS ka rritje prej 'luftës civile' në PD! Partitë e reja të gjejnë forcë të bashkohen rreth euro-atlantizmit
26 Dhjetor, 13:56 -
Basha me kampionin e boksit Mario Cani: Shqiptarët kërkojnë vetëm mundësinë, shkëlqimin dhe suksesin e arrijnë vetë
26 Dhjetor, 13:22 -
Albin Kurti 42 km rrugë? Gjatë mandatit të qeverisë u ndërtuan 1.6 kilometra për 3 vite
26 Dhjetor, 11:25 -
Tiranë/ Protesta e 23 dhjetorit, gjykata liron nga arresti 7 protestuesit e opozitës! Vendosen në masën 'detyrim paraqitje' për pengimin e qarkullimit dhe kundërshtim ndaj policisë
26 Dhjetor, 10:55 -
Edison Ypi: Spiun dhe Bariton
25 Dhjetor, 21:10
-
Ylli Pata: Legjendat elektoralo-amerikane të Sali Berishës
25 Dhjetor, 20:00
-
Takimi me gratë e PD, Vokshi bëhet ‘lëmsh’ me datat: ‘Rama i urren gratë!’ Mbështetësja: Berisha është Zoti i Tokës, e marr unë plumbin e parë!
25 Dhjetor, 19:46
O Zoti salhe ty ska zot që të shpëton ti je kart e djegur mor Zotni. Lyli ska çfar me bo se është vet në hall të madh se Amerika ju a di të gjitha pislliqet e juaja. Po ti mor Zoti Sali nuk e kupton qē ske as një shanc kundra Amerikës ? ? ? Po kaq budalla je ti mor Zoti Sali ? ? ? Një bur i zgjuar do kishte dhën dorheqjen menjeher ti e di vet sa pislliqe ke bër. E Amerika i di të gjitha prit e mos u mërzit se dita të ka ardh e do këndosh si kanarin në kafaz o Saliu matrapaz. Rroft amerika Rroft populli Shqiptar o Salu rrot karr.
Përgjigju