Deti i Kuq, luftanija amerikane rrëzon dronin iranian të lëshuar nga Jemeni

Deti i Kuq, luftanija amerikane rrëzon dronin iranian të lëshuar nga Jemeni

Deti i Kuq

Një anije luftarake e marinës amerikane në Detin e Kuq rrëzoi një dron të prodhuar nga Irani, të lëshuar nga zonat që kontrollon lëvizja Houthi në Jemen, tha Komanda Qendrore e Shteteve të Bashkuara. Ky është rasti më i fundit që ushtria amerikane angazhohet në veprime mbrojtëse në rajon gjatë javëve të fundit.

Uashingtoni vazhdon të jetë në gjendje gatishmërie lidhur me aktivitetet e grupeve të mbështetura nga Irani, ndërsa rriten tensionet rajonale gjatë konfliktit mes Izraelit dhe Hamasit. Shtetet e Bashkuara po përpiqen të sigurohen që konflikti të mos përhapet në rajon.

Droni u rrëzua nga destrojeri Carney, tha Komanda Qendrore e Shteteve të Bashkuara në rrjetin social X.

“Edhe pse nuk dihen qëllimet e tij, mjeti i telekomanduar ajror po udhëtonte drejt anijes luftarake”, thuhet në postim, duke shtuar se destrojeri Carney po shoqëronte dy anije, njëra prej të cilave po dërgonte pajisje ushtarake në rajon. Në deklaratë thuhet se nuk pati lëndime të ushtarëve amerikanë apo dëme materiale.

Në tetor, një luftanije amerikane asgjësoi katër raketa dhe 15 dronë të lëshuar nga lëvizja Houthi e lidhur me Iranin e cila kontroll disa pjesë të Jemenit. Objektiv i sulmit ishte Izraeli.

Shtetet e Bashkuara kanë shtuar praninë ushtarake detare në Lindjen e Mesme gjatë muajit të kaluar, përfshirë dy aeroplanmbajtëse, anijet shoqëruese dhe mijëra trupa që nga tetori./VOA

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Kuvendi miraton ndërtime strategjike në zonat e mbrojtura, si e vlerësoni?



×

Lajmi i fundit

Sulmuesi i Kombëtares shënon në Europa League, Sparta e Pragës eliminon Gallatasarayn! Asist nga Qazim Laçi

Sulmuesi i Kombëtares shënon në Europa League, Sparta e Pragës eliminon Gallatasarayn! Asist nga Qazim Laçi