Receta

Dhallanik me shtresa nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 4 Dhjetor 2023, 11:54 | Përditesimi: 4 Dhjetor 2023, 11:57

Dhallanik me shtresa

Përbërësit:

500 gr miell gruri
500 ml kos
500 ml ujë
2 filxhanë kafeje vaj
100 gr djathë të thërrmuar
1 kokërr vezë
1 kubik gjalpë i ngrirë
1 lugë çaji sodë
1 lugë kafeje kripë
1 lugë kafeje sheqer
Pak piper i zi

Përgatitja:

LEXO EDHE:
Pulë me oriz në furrë nga zonja Albana

Në një enë hedhim vezën, kosin, ujin, kripën dhe sheqerin duke i rrahur me telin e ëmbëlsirave. Fillojmë e shtojmë miellin, sodën, piperin e zi, vajin dhe i përziejmë mirë të gjitha bashkë. Do të formohet një brumë më i hollë sesa ai i kekut. Përdorim një tepsi 40 ose 42 cm, por të rrumbullakët. E lyejmë me gjalpë dhe hedhim aty 3 garuzhde nga brumi i përgatitur. E hapim mirë në të gjithë sipërfaqen e tepsisë dhe e vendosim për t'u pjekur në furrë, të cilën e kemi ndezur paraprakisht në 250 gradë, për 5 minuta. E nxjerrim nga furra, e lyejmë përsipër me copën e gjalpit të ngrirë dhe hedhim përsëri 3 garuzhde me brumë, duke e hapur me lugë në të gjithë sipërfaqen. E vendosim përsëri në furrë për 5 minuta, por rezistencën e poshtme të saj duhet t'a shuajmë, kështu do të piqet vetëm shtresa e sipërme. Veprojmë përsëri me të njëjtën mënyrë, sa të mbarohet i gjithë brumi. Në përfundim, e heqim nga furra dhe e lyejmë me gjalpë. E lëmë pak që të vaket dhe e presim për ta shërbyer. Konsumohet me djathë dhe me një gotë dhallë.

MC/Shqiptarja.com

TAG: