Receta

Dhallanik tradicional me shtresa nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

Redaksia 20 Mars, 11:50 | Përditesimi: 20 Mars, 11:51

Dhallanik tradicional me shtresa

Përbërësit:

1 litër dhallë
500 gr miell
1 lugë çaji sodë
1 lugë kafeje kripë
1 lugë kafeje sheqer
2 filxhanë kafeje yndyrë
1 vezë të freskët
100 gr djathë të bardhë
1 kubik gjalpë i ngrirë
Pak piper të zi

Përgatitja:

LEXO EDHE:
Thjerrëza me perime, një recetë plot shije ideale për Iftar nga zonja Albana

Rrahim vezën me dhallën, kripën dhe sheqerin dule shtuar gradualisht miellin e trazuar me sodën e bukës dhe me pak piper. Shtojmë vajin dhe e trazojmë mirë derisa të formohet një brumë i hollë. Lyejmë me gjalpë një tepsi dhe hedhim tre garuzhde brumë, e hapim mirë në të gjithë sipërfaqen e tepsisë dhe e vendosim për t'u pjekur në furrë të parangrohur për 5 minuta. E nxjerrim nga furra, e lyejmë përsipër me copën e gjalpit të ngrirë dhe hedhim përsëri tre garuzhde brumë. E vendosim sërish në furrë për 5 minuta, por rezistencën e poshtme të furrës duhet ta shuajmë (kështu do të piqet vetëm shtresa e sipërme). Veprojmë përsëri me të njëjtën mënyrë, sa të mbarohet i gjithë brumi. Në përfundim, e heqim nga furra dhe e lyejmë me gjalpë. E lëmë pak që të vaket dhe e presim për ta shërbyer.