E ndërsa disa ditë më parë u fol për një urdhër arrest të lëshuar nga Beogradi, asgjë nuk ndodhi më pas. Ndërsa gjatë ditës së martë, mediat serbe duke iu referuar burimeve nga prokuroria e Beogradit raportojnë se Ivan Bogdanov do të gjykohet për akuzën e futjes në fushë.
Huligani serb edhe më parë ishte dënuar për prishjen e ngjarjeve sportive. Kujtojmë që Shqipëria dhe Serbia do të ballafaqohen në Arbitrazhin Sportiv për atë që ndodhi në Beograd. Kombëtarja shqiptare ka depozituar të gjitha provat e dhunës, ndërsa Serbia pretendon se gjithçka ndodhi pas provokimit të dronit, por ndeshja nuk u ndërpre për këtë shkak.
d.balla/shqiptarja.com