POP 5

Lajmet më të lexuara të 5 minutave të fundit

Kronikë

Dhuna ndaj avokatit për konfliktin te kullat te Liqeni, asnjë gjurmë nga 3 autorët

Gjendja shëndetësore e avokatit Sokol Mëngjesi vijon të jetë e rënduar dhe pa ndryshime, e orët në vijim pritet të jenë vendimtare. Polica ka shtuar kontrollet për 3 autorët në kërkim, por deri më tani pa rezultat. Hetuesit e kanë të provuar që dhuna ndaj Mëngjesit ka qenë e planifikuar dhe organizuar nga Dritan Nano

Dhuna ndaj avokatit për konfliktin te kullat te Liqeni, asnjë gjurmë nga 3 autorët

Sokol Mëngjesi dhe autorët e sulmit

Avokati Sokol Mëngjesi vijon të jetë në gjendje të rëndë në koma i intubuar në reanimacionin e spitalit të Traumës. Bluzat e bardha i konsiderojnë orë vendimtare për të marrë sinjale reaguese prej tij, pas 2 frakturave kockore të pësuara në kokë dhe një endeme cerebrale, si pasojë e goditjeve brutale me doreza metalike nga grupi i agresorëve. Deri tani nuk është vlerësuar për ndërhyrje kirurgjikale, pasi gjendja e 45-vjeçarit është stabël.

Gjatë orëve të drekës, te Spitali i Traumës u panë, kryepolici i Tiranës, Tonin Vocaj dhe zëvendësi i tij, Alket Shatro.

Avokati u dhunua mëngjesin e 29 majit sapo la djalin në kopsht në zonën e ish-bllokut. Dorian Alia 32-vjeç u vetëdorëzua pas ngjarjes së rëndë duke dhënë dëshmi që faktoi edhe më shumë dyshimet e policisë, se pas dhunës fshihet Dritan Nano, i arrestuar. 58-vjeçari nuk pranonte të likuidonte avokatin sipas kontratës që kishin firmosur, pasi Mëngjesi fitoi gjyqin për pronën e një familje me 8 trashëgimtarë, aty ku sot janë ndërtuar kullat e Bashkim Ulajt te Diga e Liqenit.

Avokati u detyrua t’i drejtohej gjykatës me padi, në vijim të së cilës përmbarimi bllokoi pronën e Dritan Nanos te kullat te diga, të cilën 58-vjeçari nuk e shet dot më. I vetëdorëzuari Dorian Aliaj, dhëndër i Nanos, i rrëfeu hetuesve për konfliktin që Dritani kishte me avokatin, duke hedhur dritë se shkaqet e dhunës barbare ishin për të paralajmëruar avokatin të heqë dorë nga padia, por mohoi që sulmi ndaj avokatit të ishte i planifikuar. Me provat që ka në duar, policia nga ana tjetër dyshon për një plan të mirëmenduar nga Dritan Nano, trashëgimtar nga ana e nënës së tij, në pronën e kullave. Për rastin, është ngritur akuzë për vrasje e funksionarëve publike, mbetur në tentativë

3 autorët e tjerë të dyshuar, 2 në mesin e dhunuesve, Drival Alia me Elton Kasajn dhe Romario Tabaku i cili i ndihmoi të largohen me makinë, janë ende në kërkim e kontrollet për kapjen e tyre po zhvillohen dhe gjatë natës. Sipas sistemit TIMS ata rezultojnë brenda vendit, grupi hetimor nuk përjashton mundësinë që të jenë larguar jashtë në mënyrë ilegale.

G.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • toni: 01/06/2024 05:14

    HIC MOS I KAPNI ,,VRITINI SI QENTE RRUGEVE...

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29