POP 5

Lajmet më të lexuara të 5 minutave të fundit

Bota

Dhuna në Capitol, republikanët kërkojnë shtyrjen e gjyqit ndaj ish-presidentit Trump deri në shkurt

Republikanët në Senatin e SHBA u kërkojnë demokratëve të shtyjnë fillimin e gjyqit për ish presidentin Donald Trump të paktën deri në shkurt.  Ata argumentojnë se kjo do t'i japë kohë Trump të përgatisë një mbrojtje. Ai akuzohet për nxitje të kryengritjes pasi mbështetësit e tij sulmuan Kapitolin këtë muaj.

Republikanët në Senatin e SHBA u kërkojnë demokratëve të shtyjnë fillimin e gjyqit për ish presidentin Donald Trump të paktën deri në shkurt.        

Ata argumentojnë se kjo do t'i japë kohë Trump të përgatisë një mbrojtje. Ai akuzohet për nxitje të kryengritjes pasi mbështetësit e tij sulmuan Kapitolin këtë muaj.

Sipas mediave të huaja, Demokratët e Dhomës së Përfaqësuesve janë të gatshëm t'ia dorëzojnë akuzën Senatit. Ish-presidenti republikan Donald Trump u largua nga zyra të mërkurën dhe udhëtoi për në vendpushimin e tij në Florida, disa orë para se të betohej demokrati Joe Biden.

Udhëheqësi i pakicës republikane në Senat, Mitch McConnell u kërkoi demokratëve që të prisnin deri më 28 janar për dërgimin e akuzave për t’i dhënë zotit Trump dy javë për të përgatitur mbrojtjen e tij ligjore. Zyra e udhëheqësit të shumicës në Senat, Chuck Schumer nuk iu përgjigj menjëherë një pyetjeje në lidhje me propozimin e senatorit McConnell.

Demokratët kontrollojnë Senatin me epërsinë më të ngushtë të mundshme, duke u mbështetur në votën e Nënpresidentes Kamala Harris për të thyer ndarjen në mënyrë të barabartë të votave 50-50, dhe gjithashtu kanë nevojë për bashkëpunimin e republikanëve për të çuar përpara shumë elemente të axhendës së Presidentit Biden, si dhe për të konfirmuar emërimet për Kabinetin e tij.

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Krishtlindjet/ Shqiptarët për Report Tv: Gëzuar, mbarësi e harmoni për të gjithë

Krishtlindjet/ Shqiptarët për Report Tv: Gëzuar, mbarësi e harmoni për të gjithë

24 Dhjetor, 23:29