Edukatorja e kopshtit “Stinët”, Majlinda Dehima, e arrestuar të enjten e 9 nëntorit me urdhër të prokurorisë për akuzën “keqtrajtim i të miturit” me pasojë thyerjen e këmbës së vajzës 3 vjeçe, i ka qëndruar edhe pas arrestimit deklarimeve të dhëna më herët.
Edhe një herë Majlinda Dehima është shprehur para hetuesve se vajza e ka dëmtuar vetë këmbën në hapësirat e krevatit dhe se ajo nuk e ka prekur. Pas kësaj dëshmie, burime bëjnë me dije se prokuroria e Tiranës pritet të bëjë një tjetër ekspertim të pamjeve filmike dhe në vijim edhe ballafaqim të Dehimës me provat që do të dalin gjatë hetimeve.
Hetim ekonomik çiftit të pronarëve
Policia ka nisur një hetim me krimin ekonomik edhe për çiftin e pronarëve Dritan e Entela Danushi, në lidhje me aktivitetin e kopshtit pa licencë ndërsa në Komisariatin nr. 1, pas ngjarjes së rëndë, nuk ka pasur denoncime nga prind që e kanë pasur fëmijën në këtë kopsht të palicensuar nga ministria e Arsimit.
Policia e Tiranës tashmë ka përpiluar një plan masash për kontroll të detajuar të të gjithë territorit për të konstatuar raste të tjera flagrante të kopshteve pa licenca. Edukatorja Majlinda Dehima do të dalë para Gjykatës së Tiranës për masë sigurie në vijim dhe ndaj saj rëndon akuza “keqtrajtim i të miturve”.
Në lidhje me ngjarjen, Agjencia e Mbikëqyrjes Policore referoi në prokurorinë e Tiranës 2 zyrtarë të policisë, Ylli Çako, shef i seksionit të krimeve dhe Bledar Rushiti, SPZ i zonës, nën akuzë për “shpërdorim detyre”. Ata nuk vepruan në kohë për këqyrjen e pamjeve të kamerave të sigurisë, në të cilat dallohet se Dehima mund të jetë autore e thyerjes së këmbës së 3-vjeçares.
Partia Demokratike i bëri thirrje prokurorisë së Tiranës të bëjë hetim të thellë për të gjetur zinxhirin përgjegjës që lejuan një kopsht në mes të Tiranës të ushtronte veprimtarinë pa licencë.
Sipas deputetes Eralda Bano hetimi duhet të arrijë deri te Policia që sipas saj u bë palë me dhunuesit e vajzës 3-vjeçare.
"Duhet dhënë përgjigje sesi ka mundësi të ndodhë që në qendër të Tiranës të lulëzojë një kopsht pa licencë? Si ka mundësi që i shpëtoi gjithë zinxhirit shtetëror, Inspektoratit shëndetësor, tatim-taksave, AKU? Nga të dhënat që zotëroj, pronarët e kopshtit kanë lidhje të drejtpërdrejtë me policinë e shtetit, duke pasur shpatullat e ngrohta. I bëj thirrje prokurorisë që të thellojë hetimet dhe t’i shkojë deri në fund kësaj rrjete kriminale që ka zënë policinë tonë.
Si ka mundësi që Drejtoresha e një institucioni të mbulojë punonjëset e veta për dhunë të përsëritur dhe të mos marrë asnjë masë ndaj këtyre njerëzve që duhet të dëbohen për jetë nga kontakti me institucione që kanë të bëjnë me fëmijët? Si ka mundësi që Ministria e Arsimit nuk ka pasur dijeni që ky kopsht ka qenë pa leje?' tha Bano.
Komente
Lajme të tjera
-
'Ne blejmë më shtrenjtë se qytetarët e BE', deputetja e PL-së: Shëndeti i shqiptarëve kërcënohet si nga prodhimi vendas dhe ai i importit
26 Dhjetor, 12:40 -
Tiranë/ Shiste fishekzjarre nga bagazhi i makinës, në hetim të lirë 46-vjeçari! Policia shton masat kundër shitjes së lëndëve piroteknike
26 Dhjetor, 10:27 -
Eduard Zaloshnja: Gjykata kushtetuese vs. realiteti elektoral
26 Dhjetor, 09:59
-
Hetimi pasuror, kryebashkiaku i Tiranës, Erion Veliaj prej 3 orësh në SPAK! Jep shpjegime si person që ka dijeni (VIDEO)
26 Dhjetor, 09:19 -
Sot Kukësi sfidon Egnatian në finalen e Superkupës, rrogozhinasit kërkojnë 'tripletën'! FSHF asnjë shpërblim për fituesin, Tetova: Duam trofeun
26 Dhjetor, 08:42 -
FOTOT/ Tirana shkëlqen për festat e fundvitit
25 Dhjetor, 21:16 -
Vetëvrasja e Mehmet Shehut para 43 vjetësh, dëshmia e ish-punonjëses së vilës: Kërkoi një kafe dhe një gotë ujë! Ngjarjen e mora vesh kur…
25 Dhjetor, 20:56
-
Një nga ne/ 'Ndenja 16 vite vetëm', prek i moshuari: Ndjeva një boshllëk, më mirë në azil me shokë
25 Dhjetor, 20:04
-
E rëndë në Kamëz, 55-vjeçari bie teksa punonte në pallatin në ndërtim, përfundon në spital! Hetime për shkaqet dhe kushtet e sigurisë
25 Dhjetor, 16:00 -
Festat sjellin trafik të rënduar në Tiranë, eksperti: Semaforët e shumtë bllokojnë qarkullimin, duhen mbikalime! Shoferët nuk zbatojnë rregullat
25 Dhjetor, 14:55 -
Stadiumi i ri 'Selman Stërmasi', në janar pritet prezantimi i projektit! Korporata Investimeve Shqiptare: Transformim për Tiranën
25 Dhjetor, 12:11 -
Në kërkim pas shpalljes non grata, Artan Grubi dyshohet se fshihet në Shqipëri! Dëshmia e biznesmenit: E dërgova me makinë deri në Tiranë
25 Dhjetor, 10:17
Ti duhesh gjykuar per torture, se dhuna fizike dhe psikike e ushtruar ndaj nje engjelli eshte vetem torture.
Përgjigju