Dhunoi bashkëshorten dhe kërcënoi se do ta vriste, arrestohet 44-vjeçari në Elbasan! Iu gjet një automatik në shtëpi

Një 44-vjeçar ka rënë në prangat e policisë ditën e sotme në Elbasan, i akuzuar se ka dhunuar bashkëshorten dhe ka kërcënuar se do ta vriste atë me armë zjarri.

Në pranga ka rënë Luan Pjetri, i cili u arrestua pas kallëzimit të bashkëshortes. Pas kontrollit në shtëpi, efektivët e policisë gjetën një kallashnikov, me të cilin ai kërcënonte bashkëshorten se do ta vriste.

44-vjeçari akuzohet për veprat penale “Dhuna në familje” dhe "Mbajtja pa leje dhe prodhimi i armëve, armëve shpërthyese dhe i municionit". Materialet i kaluan Prokurorisë, për veprime të mëtejshme.

TAG:
• luan pjetri
• dhune ne familje
• Elbasan
• Arrestime