ELBASAN-Një person është arrestuar këtë të martë në flagrancë në lagjen "Brigada 17 Sulmuese", pasi ka goditur e kanosur një punonjëse të Bashkisë Elbasan.
Report Tv raporton se i prangosuri është A.S, 40 vjeç, banues në lagjen "5 Maji" Elbasan, ndërsa e kanosura është M.D, 35 vjeçe, banuese në lagjen "Qemal Stafa".
Motivet e dhunës së ushtruar ndaj punonjëses së Bashkisë ende nuk dihen konkretisht, por mësohet se materialet u referuan në Prokurorinë pranë Gjykatës së Shkallës së Parë Elbasan, për veprat penale "goditje për shkak të detyrës" dhe "kanosja për shkak të detyrës".